കൊണ്ടോട്ടി: കരിപ്പൂര്‍ വിമാനത്താവള ഡയരക്ടറായി തമിഴ്‌നാട് സ്വദേശി ആര്‍. മഹാലിംഗം ചുമതലയേറ്റു. നിലവിലെ ഡയരക്ടര്‍ കെ. ശ്രീനിവാസറാവു വിശാഖപട്ടണം ഡയരക്ടറായി സ്ഥലംമാറിയതിനു പകരമാണ് മഹാലിംഗത്തിന്റെ നിയമനം.
ഇലക്ട്രിക്കല്‍ എന്‍ജിനീയറായ മഹാലിംഗം കോയമ്പത്തൂര്‍ വിമാനത്താവള ഡയരക്ടറായിരുന്നു. മാര്‍ക്കറ്റിങ് മാനേജ്‌മെന്റില്‍ എം.ബി.എ നേടിയിട്ടുണ്ട്. 32 വര്‍ഷമായി വ്യോമയാന മേഖലയിലുളള മഹാലിംഗം ചെന്നൈ, ഗുവാഹത്തി, ഭുവനേശ്വര്‍, മംഗളൂരു, സേലം എന്നിവിടങ്ങളിലും കുറച്ചുകാലം കരിപ്പൂരിലും ജോലി ചെയ്തിട്ടുണ്ട്. ഇന്റര്‍നാഷനല്‍ ഏവിയേഷന്‍ ഓര്‍ഗനൈസേഷന്റെ ഇന്റര്‍നാഷണല്‍ എയര്‍പോര്‍ട്ട് പ്രൊഫഷണല്‍ സര്‍ട്ടിഫിക്കറ്റും നേടിയിട്ടുണ്ട്.

ചിത്രം- ആര്‍. മഹാലിംഗം