തിരുവനന്തപുരം: നഗരത്തിലെ വിദ്യാര്‍ഥികളെ കേന്ദ്രീകരിച്ചും വലിയതുറ, എയര്‍പോര്‍ട്ട്, ബീമാപ്പള്ളി, ബൈപ്പാസ് റോഡ് എന്നിവിടങ്ങള്‍ കേന്ദ്രീകരിച്ചും വന്‍തോതില്‍ കഞ്ചാവ് വില്‍പ്പന നടത്തിവന്നയാളെ സിറ്റി പൊലിസ് നാര്‍ക്കോട്ടിക് സെല്‍ ടീം പിടികൂടി.
വലിയതുറ പുതുവല്‍ പുത്തന്‍വീട്ടില്‍ മനോജ് (29) ആണ് പിടിയിലായത്. ഇയാളില്‍ നിന്നു രണ്ടു കിലോ കഞ്ചാവ് പിടിച്ചെടുത്തു.  ഡി.സി.പി ശിവവിക്രം, എ.സിമാരായ മഹേഷ്‌കുമാര്‍, ആര്‍. ദത്തന്‍, വലിയതുറ എസ്.ഐ സതീഷ്‌കുമാര്‍, നര്‍ക്കോട്ടിക് സെല്‍ ടീം അംഗങ്ങളായ സാജുകുമാര്‍, ശ്രീകുമാര്‍, സന്തോഷ്, ശ്രീകുമാര്‍, ബാബു, ദീപു എന്നിവര്‍ ഉള്‍പ്പെട്ട സംഘമാണ് പ്രതിയെ പിടികൂടിയത്. ഇയാളെ കോടതിയില്‍ ഹാജരാക്കി.
ഡീസല്‍ മോഷണം:
മൂന്നംഗസംഘം
അറസ്റ്റില്‍
ആര്യനാട്: സ്വകാര്യ മൊബൈല്‍ ടവറിന്റെ ജനറേറ്ററില്‍ നിന്നും ഡീസല്‍ മോഷ്ടിച്ച മൂന്നംഗ സംഘം അറസ്റ്റില്‍. എറണാകുളം കിഴക്കമ്പലം പുത്തന്‍ പുരയ്ക്കല്‍ വീട്ടില്‍ എല്‍ദോ (32), പ്രായപൂര്‍ത്തിയാകാത്ത രണ്ട് കുട്ടികള്‍ എന്നിവരാണ് അറസ്റ്റിലായത്. കുട്ടികളും എറണാകുളം സ്വദേശികളാണ്.
പ്രതിയെ  റിമാന്‍ഡ് ചെയ്തു. കുട്ടികളെ ജുവനൈല്‍ കോടതിയില്‍ ഹാജരാക്കി.