നെടുങ്കണ്ടം: അഖിലേന്ത്യാ കിസാന്‍സഭ ഇടുക്കി ജില്ലാ കമ്മറ്റി പ്രസിഡന്റായി സി എ ഏലിയാസിനേയും സെക്രട്ടറിയായി മാത്യു വര്‍ഗീസിനേയും ജില്ലാ സമ്മേളനം തെരഞ്ഞെടുത്തു. ജോയി അമ്പാട്ട്, പി എസ് നെപ്പോളിയന്‍, റ്റി സി കുര്യന്‍ (വൈസ് പ്രസിഡന്റ്) കെ ആര്‍ ഷാജി, പി കെ സദാശിവന്‍, ബെന്നി മാത്യു (ജോ. സെക്രട്ടറി) സുനില്‍ സെബാസ്റ്റ്യന്‍ (ട്രഷറര്‍) എന്നിവരാണ് മറ്റ് ഭാരവാഹികള്‍.  33 അംഗ ജില്ലാ കമ്മറ്റിയെയും സെപ്തംബര്‍ 29 മുതല്‍ ഒക്‌ടോബര്‍ ഒന്ന് വരെ ആലപ്പുഴയില്‍ നടക്കുന്ന സംസ്ഥാന സമ്മേളനത്തില്‍ പങ്കെടുക്കാനായി 65 അംഗ പ്രതിനിധികളേയും യോഗം തെരഞ്ഞെടുത്തു.