തിരുവനന്തപുരം: ബലിപെരുന്നാള്‍ ദിനത്തില്‍ നടത്താനിരുന്ന ഹയര്‍ സെക്കന്‍ഡറി ഒന്നും രണ്ടും വര്‍ഷ തുല്യതാപരീക്ഷകള്‍ മാറ്റി. പെരുന്നാള്‍ ദിനത്തില്‍ പരീക്ഷ നടത്തുന്നതിനെതിരെ ശക്തമായ പ്രതിഷേധം ഉയര്‍ന്നതോടെയാണ് പുതുക്കിയ ടൈംടേബിള്‍ പ്രസിദ്ധീകരിച്ചത്. 21 ന് ആരംഭിക്കാനിരുന്ന പരീക്ഷകള്‍ 26 ലേക്കാണ് മാറ്റിയത്. പുതുക്കിയ ടൈംടേബിള്‍ പ്രകാരം പരീക്ഷകള്‍ രാവിലെ 10 മുതല്‍ ഉച്ചക്ക് 12.45 വരെ നടക്കുക. ഒന്നാം വര്‍ഷ ഹയര്‍ സെക്കന്‍ഡറി തുല്യതാ പരീക്ഷ 26ന് ഇംഗ്ലിഷ്, 27ന് മലയാളം ഹിന്ദി കന്നഡ, 28 ന് ഹിസ്റ്ററി, അക്കൗണ്ടന്‍സി, 29ന് ബിസിനസ് സ്റ്റഡീസ്, സോഷ്യോളജി, ഗാന്ധിയന്‍ സ്റ്റഡീസ്, 30 ന് പൊളിറ്റിക്കല്‍ സയന്‍സ്, 31 ന് ഇക്കണോമിക്‌സ് എന്നീ ക്രമത്തില്‍ നടക്കും.
രണ്ടാം വര്‍ഷ ഹയര്‍ സെക്കന്‍ഡറി തുല്യതാ പരീക്ഷ 26 ന് മലയാളംിന്ദി കന്നഡ, 27 ന് ഇംഗ്ലീഷ്, 28 ന് ബിസിനസ് സ്റ്റഡീസ്, സോഷ്യോളജി, ഗാന്ധിയന്‍ സ്റ്റഡീസ്, 29 ന് ഹിസ്റ്ററി, അക്കൗണ്ടന്‍സി, 30 ന് ഇക്കണോമിക്‌സ്, 31ന് പൊളിറ്റിക്കല്‍ സയന്‍സ് എന്നീ ക്രമത്തില്‍ നടക്കും.