ദുബൈ: ഇന്ത്യ, പാകിസ്താന്‍, ബംഗ്ലാദേശ്, ശ്രീലങ്ക എന്നീ രാജ്യങ്ങളില്‍ നിന്ന് യു.എ.ഇയിലേക്കുള്ള വിമാന സര്‍വിസ് ഈമാസം 21 വരെ ഉണ്ടാവില്ലെന്ന് ദുബൈ ആസ്ഥാനമായ എമിറേറ്റ്‌സ് എയര്‍ലൈന്‍ അറിയിച്ചു. കഴിഞ്ഞ 14 ദിവസത്തിനുള്ളില്‍ ഈ രാജ്യങ്ങളില്‍ സന്ദര്‍ശനം നടത്തിയവര്‍ക്കും മറ്റു രാജ്യങ്ങള്‍ വഴി യു.എ.ഇയിലേക്ക് പ്രവേശിക്കാന്‍ സാധിക്കില്ലെന്ന് എയര്‍ലൈന്‍ അധികൃതര്‍ അറിയിച്ചു.
കൊവിഡ് രണ്ടാംതരംഗം രൂക്ഷമായതിനെത്തുടര്‍ന്ന് ഏപ്രില്‍ 24നാണ് യു.എ.ഇ ഇന്ത്യയില്‍ നിന്നുള്ള വിമാനസര്‍വിസ് നിര്‍ത്തിവച്ചത്. എന്നാല്‍ സര്‍വിസ് ജൂലൈ 15നു പുനരാരംഭിക്കുമെന്നായിരുന്നു കഴിഞ്ഞദിവസം അറിയിച്ചിരുന്നത്. 21 വരെ ഇന്ത്യയില്‍ നിന്ന് സര്‍വിസുണ്ടാകില്ലെന്ന് എയര്‍ ഇന്ത്യ, ഇത്തിഹാദ് എന്നിവ നേരത്തേ അറിയിച്ചിരുന്നു.