തൃശൂരില്‍ വള്ളം മറിഞ്ഞു; മൂന്ന് പേരെ കാണാതായി

തൃശൂര്‍: പീച്ചി റിസര്‍വോയറിലെ ആനവാരിയില്‍ വഞ്ചി മറിഞ്ഞ് മൂന്ന് പേരെ കാണാതായി. പൊലിസും നാട്ടുകാരും ചേര്‍ന്ന്‌ തിരച്ചില്‍ തുടരുന്നു.

ആകെ നാലുപേരാണ് വഞ്ചിയില്‍ ഉണ്ടായിരുന്നത്. ഒരാള്‍ നീന്തി കരയ്ക്കു കയറി. വാണിയമ്പാറ പൊട്ടിമടയ്ക്കു സമീപം കൊള്ളിക്കാടു നിന്നുള്ളവരാണ് യുവാക്കള്‍ എന്നാണ് പ്രാഥമിക വിവരം. രക്ഷപ്പെട്ടയാള്‍ അവശനിലയിലായതിനാല്‍ കൂടെയുണ്ടായിരുന്നവരെക്കുറിച്ച് കൂടുതല്‍ വിവരങ്ങള്‍ അറിയാനായിട്ടില്ല. വൈകിട്ട് 4 മണിയോടെയാണ് സംഭവം. വിപിന്‍, അജിത്ത്, സിറാജ് എന്നിവരെയാണ് കാണാതായത്. ഇവരുടെ സംഘത്തിലുണ്ടായിരുന്ന ശിവപ്രസാദ് എന്നയാളാണ് നീന്തി രക്ഷപ്പെട്ടത്.