മുക്കം: കുറഞ്ഞ കാലം  കൊണ്ട് സുപ്രഭാതം ദിനപത്രം സമൂഹത്തില്‍ ചെലുത്തിയ സ്വാധീനവും വളര്‍ച്ചയും അത്ഭുതകരമാണെന്നും എല്ലാ പ്രവൃത്തി ദിവസങ്ങളിലും വൈവിധ്യങ്ങളായ വിജ്ഞാന ശാഖകളടങ്ങിയ  വിദ്യാ പ്രഭാതത്തിലൂടെ വിദ്യാര്‍ഥികള്‍ക്ക് ഇഷ്ടപ്പെട്ട പത്രമായി മാറാന്‍ സുപ്രഭാതത്തിന് കഴിഞ്ഞതായും സമസ്ത മാനേജര്‍ കെ.മോയിന്‍കുട്ടി മാസ്റ്റര്‍ പറഞ്ഞു. ചെറുവാടി റെയ്ഞ്ച് സുപ്രഭാതം ക്യാംപയിന്റെ ഉദ്ഘാടനം  എസ്.വൈ.എസ് കൊടിയത്തൂര്‍ പഞ്ചായത്ത് പ്രസിഡന്റ്  വൈത്തല അബൂബക്കറിന്  കോപ്പി നല്‍കി  നിര്‍വഹിക്കുകയായിരുന്നു.
കെ.വി അബ്ദുറഹ്മാന്‍ അധ്യക്ഷനായി. റെയ്ഞ്ച് പ്രസിഡണ്ട് കെ. അബ്ദുറഹ്മാന്‍ ലത്വീഫി, സി.കെ ബീരാന്‍ കുട്ടി, ഒ.എം മുഹമ്മദ് കുട്ടി മൗലവി, ഗഫൂര്‍ ഫൈസി ചെറുവാടി, കെ. സ്വാദിഖലി ചെറുവാടി സംസാരിച്ചു.