പേരാമ്പ്ര: വിഷന്‍ ആന്‍ഡ് മിഷന്‍ 2025 സമഗ്ര വികസന പദ്ധതിക്ക് രൂപം നല്‍കാനുള്ള ഏകദിന ശില്‍പശാല നാളെ കായണ്ണ ഗവ യു.പി സ്‌കൂളില്‍ നടക്കുമെന്ന് സംഘാടകര്‍ അറിയിച്ചു. പരിപാടിയില്‍ സ്മാര്‍ട്ട് ക്ലാസ്‌റൂമിന്റെ ഉദ്ഘാടനവും നടക്കും. 'എല്ലാ കുട്ടികളും പൊതുവിദ്യാലയത്തിലേക്ക് എന്റെ കുട്ടിയും' എന്നതാണ് മുദ്രാവാക്യം. വികസന ശില്‍പശാലയുടെ ഉദ്ഘാടനം പുരുഷന്‍ കടലുണ്ടി എം.എല്‍.എ നിര്‍വഹിക്കും. ഒരു നൂറ്റാണ്ടിലേറെ പഴക്കമുള്ള സ്‌കൂളില്‍ ആധുനിക വിദ്യാഭ്യാസ സാഹചര്യങ്ങള്‍ക്കനസുരിച്ച് ഒട്ടേറെ പദ്ധതികള്‍ക്ക് രൂപം നല്‍കും.
 പാഠ്യപാഠ്യേതര പ്രവര്‍ത്തനങ്ങളിലും സമഗ്ര പുരോഗതി ലക്ഷ്യമിടുന്നുണ്ട്. വാര്‍ത്താ സമ്മേളനത്തില്‍ സി.കെ വാസുദേവന്‍, സി. ബാബു, ടി. സജീവന്‍, കെ.പി സുനില്‍കുമാര്‍ സംബന്ധിച്ചു.