പകലിൽ ചൂട് 43 ഡിഗ്രി വരെ ഉയരും; രാത്രിയിൽ ഈപ്പമുള്ള അന്തരീക്ഷത്തിന് സാധ്യത

ദുബൈ: യുഎഇയിൽ ഇന്ന് പകൽ സമയത്ത് വീണ്ടും ചൂട് കൂടാൻ സാധ്യത. അബുദാബിയിൽ 43 ഡിഗ്രി സെൽഷ്യസും ദുബൈയിൽ 42 ഡിഗ്രി സെൽഷ്യസുമായിരിക്കും ഇന്നത്തെ കൂടിയ താപനില. യഥാക്രമം 30 ഡിഗ്രി സെൽഷ്യസും 33 ഡിഗ്രി സെൽഷ്യസും ആയിരിക്കും രണ്ട് എമിറേറ്റുകളിലെയും കുറഞ്ഞ താപനില.

നാഷണൽ സെന്റർ ഓഫ് മെറ്റീരിയോളജി റിപ്പോർട്ട് പ്രകാരം, യുഎഇയിലെ കാലാവസ്ഥ ചിലപ്പോൾ ഭാഗികമായി മേഘാവൃതമായിരിക്കും. കിഴക്കൻ തീരത്ത് രാവിലെയോടെ താഴ്ന്ന മേഘങ്ങൾ പ്രത്യക്ഷപ്പെടും. രാത്രിയിലും വ്യാഴാഴ്ച രാവിലെയും അന്തരീക്ഷം ഈർപ്പമുള്ളതായിരിക്കും. ചില തീരപ്രദേശങ്ങളിലും ഉൾനാടൻ പ്രദേശങ്ങളിലും മൂടൽമഞ്ഞ് രൂപപ്പെടാനുള്ള സാധ്യതയുണ്ട്.

രാജ്യത്ത് ഇന്ന് നേരിയതോ മിതമായതോ ആയ കാറ്റ് വീശും. പൊടി കാറ്റ് ഉണ്ടാകാൻ സാധ്യത ഉള്ളതിനാൽ ജാഗ്രത വേണം. അറേബ്യൻ ഗൾഫിലും ഒമാൻ കടലിലും കടൽ നേരിയ തോതിൽ ശക്തമാകും.