അറബി ഭാഷയിലേക്ക് വിദേശ പദങ്ങൾ; എതിർപ്പ് അറിയിച്ച് ഷാർജ ഭരണാധികാരി

ഷാർജ: അറബി ഭാഷയിൽ വിദേശ പദങ്ങൾ രജിസ്റ്റർ ചെയ്യുന്നതിലും ചേർക്കുന്നതിലും വിയോജിപ്പ് അറിയിച്ച് ഷാർജ ഭരണാധികാരി. സുപ്രീം കൗൺസിൽ അംഗവും ഷാർജ ഭരണാധികാരിയുമായ ഹിസ് ഹൈനസ് ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമിയാണ് വിയോജിപ്പ് അറിയിച്ചത്. കഴിഞ്ഞ നാല് വർഷമായി രജിസ്റ്റർ ചെയ്ത എല്ലാ വിദേശ വാക്കുകളെയും കുറിച്ച് ചർച്ച ചെയ്യുന്നതിനായി ഒക്ടോബർ 2 ന് കെയ്‌റോയിൽ നടക്കുന്ന അറബിക് ലാംഗ്വേജ് അക്കാദമി കോൺഫറൻസിൽ പങ്കെടുക്കാൻ ഉദ്ദേശിക്കുന്നതായി അദ്ദേഹം അറിയിച്ചു.

അറബി ഭാഷ മാറ്റാൻ ആരും ധൈര്യപ്പെടില്ലെന്നും അദ്ദേഹം പറഞ്ഞു. ഷാർജ ബ്രോഡ്കാസ്റ്റിംഗ് അതോറിറ്റിയുടെ 'ഡയറക്ട് ലൈൻ' പ്രോഗ്രാമിനെ അഭിസംബോധന ചെയ്ത സംസാരിക്കുകയായിരുന്നു ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമി. വിദേശ പദങ്ങളുടെ ഉപയോഗം അതിരുകടന്നതായി അദ്ദേഹം പറഞ്ഞു.

"ചില പദങ്ങൾ നാല് വർഷം മുമ്പാണ് സൃഷ്ടിച്ചത്, ചില വ്യക്തികൾ അവ ഭാഷയുടെ ഭാഗമാണെന്ന് വിശ്വസിച്ച് അവ ഉപയോഗിക്കാൻ തുടങ്ങി. അവർ 'ട്രെൻഡ്' എന്ന വാക്ക് ചേർത്തു, പക്ഷേ അവർ അത് സ്റ്റാൻഡേർഡ് ചെയ്തിട്ടില്ല; അവർ അത് ലളിതമായി അവതരിപ്പിച്ചു" - അദ്ദേഹം വ്യക്തമാക്കി.

'ട്രെൻഡ്' എന്ന വാക്കിന് പകരം 'മുതദാവൽ' അല്ലെങ്കിൽ 'ഖിമത്ത് അറ്റ്-തദാവുൽ' എന്ന് ഉപയോഗിക്കണം. രജിസ്റ്റർ ചെയ്ത അറബിക് പദങ്ങൾ പുനഃപരിശോധിക്കണമെന്ന് കയ്‌റോയിലെ അറബിക് ലാംഗ്വേജ് അക്കാദമിയിലെ അംഗങ്ങളോട് ആവശ്യപ്പെടുമെന്നും അദ്ദേഹം അറിയിച്ചു.

അറബി ഭാഷയെ സംരക്ഷിച്ചതിനും അതിന്റെ സമഗ്രത കാത്തുസൂക്ഷിച്ചതിനും ഷാർജ ഭരണാധികാരി പണ്ടേ വാഴ്ത്തപ്പെട്ടിട്ടുണ്ട്. കഴിഞ്ഞ വർഷം, അറബി ഭാഷയുടെ ചരിത്ര നിഘണ്ടുവിന്റെ 19 പുതിയ വാല്യങ്ങൾ അദ്ദേഹം പുറത്തിറക്കി. ഇതോടെ ആകെ വാല്യങ്ങളുടെ എണ്ണം 36 ആയി.