കൊളംബോ: ഏഷ്യാ കപ്പിലെ സൂപ്പര്‍ ഫോര്‍ ഘട്ടത്തില്‍ ശ്രീലങ്കയെ 41 റണ്‍സിന് തകര്‍ത്ത് ഇന്ത്യ ഫൈനല്‍ പ്രവേശനം ഉറപ്പാക്കിയിരുന്നു. ആദ്യം ബാറ്റ് ചെയ്ത ടീം ഇന്ത്യ 49.1 ഓവറില്‍ 213 റണ്‍സിന് ഓള്‍ ഔട്ടായപ്പോള്‍, താരതമ്യേന ചെറിയ ലക്ഷ്യം പിന്തുടര്‍ന്ന ശ്രീലങ്കക്ക് 41.3 ഓവറില്‍ 172 റണ്‍സെടുക്കാനെ സാധിച്ചുളളൂ. എന്നാല്‍ മത്സരത്തിനിടയില്‍ ഇന്ത്യ-ശ്രീലങ്ക ആരാധകര്‍ക്കിടയില്‍ നടന്ന തര്‍ക്കം ഇപ്പോള്‍ സമൂഹ മാധ്യമങ്ങളില്‍ വൈറലായിരിക്കുകയാണ്.

ശ്രീലങ്കന്‍ ജഴ്‌സിയണിഞ്ഞ ഒരാള്‍ ഇന്ത്യന്‍ ആരാധകന്റെ നേരെ ചാടിവീഴുന്നത് വീഡിയോയില്‍ കാണാം. പിന്നീട് ചുറ്റുമുള്ളവര്‍ ഇടപെട്ടാണ് രംഗം ശാന്തമാക്കിയത്.

Fight b/w Indian fans and Sri lanka fans during ind vs sri lanka match after sri lanka losss. #INDvSL #iPhone15 #JUNGKOOK pic.twitter.com/3mXhI1zwZJ

— CricNews ?? (@AmittKr095) September 13, 2023

അതേസമയം ടൂര്‍ണമെന്റില്‍ ഫൈനല്‍ ഉറപ്പിച്ച ഇന്ത്യക്ക് അടുത്തതായി ബംഗ്ലാദേശിനെയാണ് നേരിടേണ്ടത്. ശ്രീലങ്ക-പാകിസ്ഥാന്‍ മത്സരത്തിലെ വിജയികളാകും ഇന്ത്യയെ ഫൈനലില്‍ കാത്തിരിക്കുക.

Content Highlights:viral video fight between india and lanka fans in asia cup