ന്യൂഡല്‍ഹി: രാജ്യത്ത് 24 മണിക്കൂറിനിടെ 39,742 പേര്‍ക്ക് കൂടി കൊവിഡ് സ്ഥിരീകരിച്ചു. 535 മരണവും റിപ്പോര്‍ട്ട് ചെയ്തു. ഇതോടെ രാജ്യത്ത് ആകെ മരണം 4,20,551 ആയി.

രാജ്യത്തെ പുതിയ രോഗികളില്‍ പകുതിയോളം പേരും കേരളത്തില്‍ നിന്നാണ്. 18,531 പേര്‍ക്കാണ് കേരളത്തില്‍ ഒറ്റദിവസം കൊവിഡ് സ്ഥിരീകരിച്ചത്.

39,972 പേര്‍ കഴിഞ്ഞ ദിവസം രോഗമുക്തരായി. നിലവില്‍ 4,08,212 പേരാണ് ചികിത്സയില്‍ തുടരുന്നത്. 51 ദിവത്തിനിടെയുള്ള ഏറ്റവും വലിയ വര്‍ധനവാണിത്. 2.24 ആണ് രാജ്യത്തെ ടെസ്റ്റ് പോസിറ്റിവിറ്റി നിരക്ക്. തുടര്‍ച്ചയായ 34 ദിവസമായി ടെസ്റ്റ് പോസിറ്റിവിറ്റി നിരക്ക് കുറയുകയാണ്.

45,37,70,580 ഡോസ് വാക്‌സിനാണ് രാജ്യത്താകെ വിതരണം ചെയ്തത്. ഇന്നലെ മാത്രം 46 ലക്ഷം ഡോസ് വാക്‌സിന്‍ നല്‍കിയതായി കേന്ദ്ര ആരോഗ്യമന്ത്രാലയം അറിയിച്ചു. കേരളത്തില്‍ ഇന്നലെ നാലര ലക്ഷം ഡോസ് വാക്‌സിന്‍ വിതരണം ചെയ്തിരുന്നു.