ലോകത്തിന്റെ വിദ്യാഭ്യാസത്തിനായി ഖത്തർ ചിലവഴിക്കുന്നത് 2.3 ബില്യൺ ഡോളർ; മുൻനിര രാജ്യങ്ങളുടെ പട്ടികയിൽ രാജ്യം

ന്യൂയോർക്ക്: ആഗോളതലത്തിൽ വിദ്യാഭ്യാസത്തെ പിന്തുണയ്ക്കുന്നതിനായി ഖത്തർ 2.3 ബില്യൺ ഡോളർ സഹായം നൽകുന്നുണ്ടെന്ന് വിദ്യാഭ്യാസ-ഉന്നത വിദ്യാഭ്യാസ മന്ത്രി എച്ച് ഇ ബുതൈന ബിൻത് അലി അൽ ജബ്ർ അൽ നുഐമി. ദശലക്ഷക്കണക്കിന് വിദ്യാർഥികൾക്ക് ഗുണമേന്മയുള്ള പഠന അവസരങ്ങൾ ലഭ്യമാക്കാൻ ഈ പിന്തുണ സഹായിച്ചതായി അവർ പറഞ്ഞു. ന്യൂയോർക്കിൽ നടക്കുന്ന 78-ാമത് യുഎൻജിഎ യോഗത്തിലാണ് മന്ത്രിയുടെ പരാമർശം.

വിദ്യാഭ്യാസത്തെ പിന്തുണയ്ക്കുന്നതാണ് ഖത്തറിന്റെ വികസന അജണ്ട. തന്ത്രപരമായ പങ്കാളിത്തത്തിലൂടെ ലോകമെമ്പാടുമുള്ള വിദ്യാഭ്യാസത്തെ പിന്തുണയ്ക്കുന്നതിന് രാജ്യം 2.3 ബില്യൺ ഡോളർ വരെ സഹായം നൽകുന്നു. ഈ പ്രോഗ്രാമുകളിലൂടെ യുവാക്കളെ അവരുടെ കമ്മ്യൂണിറ്റികളുടെ വികസനത്തിനും ക്ഷേമത്തിനും സംഭാവന ചെയ്യാൻ പ്രാപ്തരാക്കുന്നു

'എല്ലാവർക്കും മികച്ച ഭാവി കെട്ടിപ്പടുക്കാൻ പഠിക്കുക' എന്ന പ്രമേയത്തിൽ ന്യൂയോർക്കിൽ നടക്കുന്ന 78-ാമത് യുഎൻജിഎ യോഗത്തോടനുബന്ധിച്ച്, വിദ്യാഭ്യാസം മാറ്റുന്നതിനുള്ള ഹൈ-ഇംപാക്ട് ഇനിഷ്യേറ്റീവിൽ ഹെർ എക്സലൻസി പങ്കെടുത്ത സമയത്താണ് മന്ത്രിയുടെ പരാമർശം. യുഎന്നിലെ ഖത്തർ സ്റ്റേറ്റിന്റെ സ്ഥിരം പ്രതിനിധി ഷെയ്ഖ ആലിയ അഹമ്മദ് ബിൻ സെയ്ഫ് അൽതാനി സെഷനിൽ പങ്കെടുത്തു.

എല്ലാവർക്കും ഗുണനിലവാരമുള്ള വിദ്യാഭ്യാസം നൽകുന്നതിനുള്ള സംയുക്ത പ്രതിബദ്ധതയുടെ പ്രാധാന്യം അൽ നുഐമി ഊന്നിപ്പറഞ്ഞു. വിദ്യാഭ്യാസം ഒരു പൊതു ആഗോള താൽപ്പര്യമാണെന്നും പുരോഗതിക്ക് അത്യന്താപേക്ഷിതമായ ചാലകമാണെന്നും അവർ വ്യക്തമാക്കി.

വിദ്യാഭ്യാസ പരിവർത്തന പ്രക്രിയയ്ക്ക് നേതൃത്വം നൽകുന്ന അഞ്ച് മുൻനിര രാജ്യങ്ങളിൽ ഒന്നാണ് ഖത്തർ. ദേശീയ - അന്തർദേശീയ തലങ്ങളിൽ വിദ്യാഭ്യാസത്തെ പിന്തുണയ്ക്കുന്നതിൽ ഖത്തർ കാണിക്കുന്ന താൽപ്പര്യത്തിന്റെ വ്യാപ്തി കാണിക്കുന്നതാണ് ഈ തിരഞ്ഞെടുപ്പ്. യുഎൻ സെക്രട്ടറി ജനറലിന്റെ ക്ഷണപ്രകാരമാണ് അഞ്ചിൽ ഒരു രാജ്യമായി ഖത്തറിനെ തിരഞ്ഞെടുത്തത്.