ദുബായ്:മാനവ വിഭവശേഷി, എമിറേറ്റൈസേഷൻ മന്ത്രാലയം (MoHRE) തൊഴിലില്ലായ്മ ഇൻഷുറൻസ് പദ്ധതിക്ക് അർഹരായ പൗരന്മാരോടും,വിദേശികളായ താമസക്കാരോടും 2023 ഒക്ടോബർ 1 ന് മുമ്പ് രജിസ്റ്റർ ചെയ്യണമെന്നും ഈ സമയപരിധി കഴിഞ്ഞാൽ 400 ദിർഹം പിഴ ഈടാക്കുമെന്നും അറിയിച്ചു.

തൊഴിലുടമകൾക്ക് തങ്ങളുടെ ജീവനക്കാരെ ഇൻഷുറൻസ് പദ്ധതിയിൽ രജിസ്റ്റർ ചെയ്യാനുള്ള ഓപ്ഷൻ നൽകിയിട്ടുണ്ടെന്നും എന്നാൽ
ഈ സംവിധാനത്തിൽ രജിസ്റ്റർ ചെയ്യേണ്ടത് ജീവനക്കാരന്റെ ഉത്തരവാദിത്തമാണെന്നും മന്ത്രാലയം അറിയിച്ചു.

സ്വകാര്യ, ഫെഡറൽ മേഖലകളിലെ എല്ലാ തൊഴിലാളികൾക്കും - പൗരന്മാർക്കും ,വിദേശികളായതാമസക്കാർക്കും - നിക്ഷേപകർ (സ്വന്തമായി ബിസിനസ്സ് കൈകാര്യം ചെയ്യുന്നവർ), ഗാർഹിക തൊഴിലാളികൾ, താത്കാലിക ജീവനക്കാർ,പ്രായപൂർത്തിയാകാത്തവർ,വാർദ്ധക്യ പെൻഷൻ ലഭിക്കുന്നവർ എന്നിവരൊഴികെ എല്ലാവർക്കും ഈ നിയമം ബാധകമാണ്. 

ഇൻവോളണ്ടറി ലോസ് ഓഫ് എംപ്ലോയ്‌മെന്റ് (ILOE) ഇൻഷുറൻസ് പൂൾ വെബ്‌സൈറ്റ് www.iloe.ae, ILOE സ്‌മാർട്ട്‌ഫോൺ ആപ്ലിക്കേഷൻ, കിയോസ്‌ക്കുകൾ, ബിസിനസ് സേവന കേന്ദ്രങ്ങൾ, എക്‌സ്‌ചേഞ്ച് കമ്പനികൾ (അൽ അൻസാരി പോലുള്ളവ), ബാങ്കുകളുടെ സ്‌മാർട്ട്‌ഫോൺ എന്നിവ വഴി അപേക്ഷകൾ നൽക്കാൻ സാധിക്കും.

content highlights:uae get unemployment insurance before oct 1 deadline to avoid fines