കോട്ടയം: പാര്‍ലമെന്റ് സീറ്റ് വിറ്റ സി.പി.ഐയുടെ സ്വഭാവം കേരളാ കോണ്‍ഗ്രസിനില്ലെന്ന് കെ.എം മാണി. പാലായിലെ വീട്ടില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. കേരളാ കോണ്‍ഗ്രസ് എന്നു കേള്‍ക്കുമ്പോള്‍ സി.പി.ഐ എന്തിനാണ് വിറളിപിടിക്കുന്നതെന്ന് മാണി ചോദിച്ചു. ലഭിച്ച സീറ്റ് വില്‍പ്പനചരക്ക് ആക്കിയ സി.പി.ഐ കേരളാ കോണ്‍ഗ്രസ് എമ്മിന് സാരോപദേശം നല്‍കേണ്ട.
എല്‍.ഡി.എഫിലേക്കു മാത്രമല്ല ഒരു മുന്നണിയിലേക്കും ഇല്ലെന്ന് കേരളാ കോണ്‍ഗ്രസ് നേരത്തേ വ്യക്തമാക്കിയതാണ്. ഒറ്റയ്ക്കു നില്‍ക്കാനാണ് പാര്‍ട്ടിയുടെ തീരുമാനം. ഈ തീരുമാനത്തിന് മാറ്റമില്ലെന്നും മാണി കൂട്ടിച്ചേര്‍ത്തു.