കണ്ണൂര്‍: ചെന്നൈയില്‍നിന്നു ഗോവയിലെ തിവിമിലേക്കു പ്രത്യേക ട്രെയിന്‍ സര്‍വിസ് നടത്തുന്നു. ഇന്നു രാത്രി 11.55ന് ചെന്നൈയില്‍നിന്നു പുറപ്പെടുന്ന 06021 നമ്പര്‍ പ്രത്യേക ട്രെയിന്‍ ഞായറാഴ്ച പുലര്‍ച്ചെ 1.30ന് തിവിമില്‍ എത്തും. രണ്ട് എ.സി ടു ടയര്‍, നാല് എ.സി ത്രീ ടയര്‍, ഒന്‍പതു സ്ലീപ്പര്‍ കോച്ചുകള്‍ എന്നിവയാണ് ട്രെയിനില്‍ ഉണ്ടാവുക. ആര്‍ക്കോണം, കാട്പാടി, ജോലാര്‍പേട്ട, സേലം, ഈറോഡ്, തിരുപ്പൂര്‍, കോയമ്പത്തൂര്‍, പാലക്കാട് ജങ്ഷന്‍, ഷൊര്‍ണൂര്‍, തിരൂര്‍, കോഴിക്കോട്, വടകര, തലശ്ശേരി, കണ്ണൂര്‍, പയ്യന്നൂര്‍, കാഞ്ഞങ്ങാട്, കാസര്‍കോട്, മംഗളൂരു ജങ്ഷന്‍, ഉഡുപ്പി, കാര്‍വാര്‍, കാനക്കോണ, മഡ്ഗാവ്, കര്‍മാലി എന്നിവിടങ്ങളില്‍ സ്‌റ്റോപ്പ് ഉണ്ടാകും.