തിരുവനന്തപുരം: സി.പി.ഐ ദേശീയ കൗണ്‍സിലില്‍ നിന്ന് പന്ന്യന്‍ രവീന്ദ്രന് ഒഴിഞ്ഞേക്കുമെന്ന് റിപ്പോര്‍ട്ട്. കണ്‍ട്രോള്‍ കമ്മീഷന്‍ ചെയര്‍മാന്‍ സ്ഥാനം ഒഴിഞ്ഞതിന് പിന്നാലെയാണ് സി.പി.ഐ ദേശീയ കൗണ്‍സിലില്‍ നിന്നും ഒഴിഞ്ഞേക്കുമെന്ന റിപ്പോര്‍ട്ടുകള്‍ പുറത്തേക്ക് വരുന്നത്. കൗണ്‍സിലില്‍ നിന്ന് ഒഴിയണമെന്ന് ദേശീയ നേതൃത്വത്തെ അറിയിച്ചു.പുതുമുഖങ്ങള്‍ക്ക് അവസരം നല്‍കുന്നതിനാണ് ദേശീയ കൗണ്‍സിലില്‍ നിന്ന് ഒഴിയുന്നതെന്ന് പന്ന്യന്‍ രവീന്ദ്രന്‍ അറിയിച്ചു. പ്രായ പരിധി സംബന്ധിച്ച തര്‍ക്കങ്ങളും ഒഴിയാന്‍ കാരണമായെന്നാണ് സൂചന. ഉച്ചയോട് കൂടി ഇക്കാര്യത്തില്‍ അന്തിമ തീരുമാനമുണ്ടാകുമെന്നാണ് റിപ്പോര്‍ട്ട്.