തിരുവനന്തപുരം: ഒടുവില്‍ നടി ശരണ്യ മരണത്തിന് കീഴടങ്ങി. അര്‍ബുദ രോഗത്തെ തുടര്‍ന്ന് ഏറെ നാളായി ചികിത്സയിലായിരുന്നു ശരണ്യ. തിരുവനന്തപുരത്തെ സ്വകാര്യ ആശുപത്രിയില്‍ വെച്ചാണ് മരണം. രണ്ടുമാസം മുമ്പ് വീണ്ടും ഗുരുതരാവസ്ഥയിലാവുകയായിരുന്നു.

ശരീരം ഒരുവശം തളര്‍ന്ന അവസ്ഥയില്‍ നിന്ന് പോലും ജീവിതത്തിലേക്ക് തിരിച്ചു വന്ന അവര്‍ ചികിത്സക്കിടയിലും സോഷ്യല്‍ മീഡിയയയില്‍ സജീവമായിരുന്നു. അര്‍ബുദ ബാധിതരായവര്‍ക്ക് അക്ഷരാര്‍ത്ഥത്തില്‍ പ്രചോദനം തന്നെയായിരുന്നു ശരണ്യയുടെ സദാ ചിരിതൂകുന്ന മുഖം.

നിരവധി സിനിമകളിലും സീരിയലുകളിലും അഭിനയിച്ചിട്ടുണ്ട്. ചാക്കോ രണ്ടാമന്‍, ഛോട്ടാമുംബൈ, തലപ്പാവ് തുടങ്ങിയ സിനിമകളില്‍ അഭിനിച്ചിട്ടുണ്ട്.