ചവറ: നിര്‍മാണം നടന്നുകൊണ്ടിരിക്കുന്ന ചവറയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്‍ഡ് കണ്‍സ്ട്രക്ഷന്‍ അക്കാഡമി നവംബറില്‍ പ്രവര്‍ത്തനം ആരംഭിക്കുമെന്ന് മന്ത്രി ടി.പി രാമകൃഷ്ണന്‍.  
നിര്‍മാണ പുരോഗതി വിലയിരുത്താന്‍ എത്തിയതായിരുന്നു അദ്ദേഹം. കെട്ടിടത്തിന്റെ നിര്‍മാണം പൂര്‍ത്തികരിക്കാനായി പത്ത് കോടി രൂപ കൂടി അനുവദിക്കുമെന്നും  അദ്ദേഹം പറഞ്ഞു.
ഭരണ നിര്‍വഹണത്തിനും അധ്യയനത്തിനും വേണ്ടിയുള്ള ബ്ലോക്കുകളുടെയും 7500 ചതുരശ്ര അടി വീതം വിസ്തീര്‍ണമുള്ള മൂന്ന് വര്‍ക്ക്‌ഷോപ്പുകളുടെയും 34600 ചതുരശ്ര അടി വിസ്തീര്‍ണമുള്ള ഹോസ്റ്റലിന്റെയും നിര്‍മാണമാണ് നടക്കുന്നത്. മന്ത്രിയോടൊപ്പം എന്‍. വിജയന്‍പിളള എം.എല്‍.എയും ഉണ്ടായിരുന്നു.