ഹമാസ് പ്രത്യാക്രമണം ഇസ്‌റാഈല്‍ കടന്നുകയറ്റത്തിന് പിന്നാലെ

വെസ്റ്റ് ബാങ്ക്: കഴിഞ്ഞ ഏതാനും ദിവസങ്ങളായി തുടര്‍ച്ചയായി ഫലസ്തീനികളെ ലക്ഷ്യംവച്ച് ഇസ്‌റാഈല്‍ സൈന്യം ആക്രമണം നടത്തിവരുന്നതിനിടെയാണ് ഹമാസില്‍നിന്ന് തിരിച്ചടി ഉണ്ടായിരിക്കുന്നത്. വ്യാഴാഴ്ച ഒരു ഫലസ്തീനിയും ചൊവ്വാഴ്ച മൂന്നുപേരും ഇസ്‌റാഈല്‍ ആക്രമണത്തില്‍ കൊല്ലപ്പെട്ടിരുന്നു. ഇവരെ അധിനിവേശ സൈന്യം വെടിവച്ചുകൊല്ലുകയായിരുന്നു. കൂടാതെ മസ്ജിദുല്‍ അഖ്‌സയില്‍ പ്രാര്‍ഥനയ്‌ക്കെത്തുന്ന ഫലസ്തീനികളെ തടയുന്നതും അവരെ ഉപദ്രവിക്കുന്നതും പതിവായിരുന്നു. ശനിയാഴ്ചത്തെ ആക്രമണം ഉണ്ടാകുന്നത് വരെ ഈ വര്‍ഷം മാത്രം 247 ഫലസ്തീനികളാണ് ആക്രമണത്തില്‍ കൊല്ലപ്പെട്ടത്. ഇസ്‌റാഈല്‍ ഭാഗത്താകട്ടെ 32 പേരും കൊല്ലപ്പെട്ടു.