മസ്‌കത്ത്: മസ്‌കത്തില്‍ നിന്നു തിരുവനന്തപുരത്തേക്ക് പുറപ്പെട്ട വിമാനം 45 മിനിറ്റിന് ശേഷം അടിയന്തരമായി തിരിച്ചിറക്കി. 3.20ന് മസ്‌കത്തില്‍ നിന്നു പറന്നുയര്‍ന്ന എയര്‍ ഇന്ത്യ എക്‌സ്പ്രസ് വിമാനമാണ് സാങ്കേതിക തകരാറിനെ തുടര്‍ന്ന് തിരിച്ചിറക്കിയത്.

കരുനാഗപ്പള്ളി എം.എല്‍.എ സി. ആര്‍. മഹേഷും വിമാനത്തിലുണ്ട്. രാവിലെ 10.45ന് പുറപ്പെടേണ്ടിയിരുന്ന IX 554 വിമാനം വൈകിട്ട് 3.20നാണ് പുറപ്പെട്ടത്. എന്നാല്‍ പറന്നുയര്‍ന്ന വിമാനം 45 മിനിറ്റിന് ശേഷം തിരിച്ചിറക്കുകയായിരുന്നു.യാത്രക്കാര്‍ ചെക്ക് ഇന്‍ പൂര്‍ത്തിയാക്കി ബോര്‍ഡിങ്ങിനായി ഗേറ്റ് ഒന്‍പതില്‍ എത്തിയപ്പോഴാണ് വിമാനം വൈകുമെന്ന് അറിയുന്നത്.