തൊടുപുഴ: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ കീഴില്‍ 2016 സെപ്തംബര്‍ 15 ന് നടക്കുന്ന സൗത്ത് കേരള ഡെലിഗേറ്റ്‌സ് കോണ്‍ഫറന്‍സിന്റെ സ്വാഗതസംഘം രൂപീകരണം ഇന്ന് തൊടുപുഴ പട്ടയംകവല നാസറുല്‍ ഇസ്‌ലാം മദ്‌റസയില്‍ നടക്കും.
വൈകീട്ട് മൂന്നിന് നടക്കുന്ന പരിപാടി ഇടുക്കി ജില്ലാ ജംഇയ്യത്തുല്‍ ഉലമ പ്രസിഡന്റ് ഉസ്താദ് ഹൈദ്രോസ് മുസ്‌ലിയാര്‍ കുന്നം ഉദ്ഘാടനം ചെയ്യും. ഇസ്മാഈല്‍ മൗലവി പാലമല അധ്യക്ഷനാകും. എസ്.കെ .എസ്.എസ്.എഫ് സംസ്ഥാന വൈസ് പ്രസിഡന്റ് കെ.എന്‍.എസ് മൗലവി മുഖ്യപ്രഭാഷണം നടത്തും. ആഷിഖ് കുഴിപ്പുറം ക്യാംപ് പ്രൊജക്ട് അവതരിപ്പിക്കും. സമസ്ത ഓര്‍ഗനൈസര്‍ പി. ഉമര്‍ മൗലവി വയനാട്, അബ്ദുല്ല തങ്ങള്‍ ദാരിമി അല്‍ ഹൈദ്രോസി, ശറഫുദ്ദീന്‍ തങ്ങള്‍ എറണാകുളം, അബ്ദുറഹിമാന്‍ സഅദി, കെ.ഇ മുഹമ്മദ് മുസ്‌ലിയാര്‍, അബ്ദുല്‍ കബീര്‍ റശാദി, അബ്ദുല്‍ ജലീല്‍ ഫൈസി, ഹാശിം ബാഖവി, മുഹമ്മദ് ഫൈസി, അബ്ദുല്‍ കരീം മൗലവി, ഹനീഫ് കാശിഫി, സി.എച്ച് സുബൈര്‍, ഹുസൈന്‍ വെള്ള്യാമറ്റം, കെ.സി അബ്ദുല്‍ അസീസ് എന്നിവര്‍ പ്രസംഗിക്കും.
എറണാകുളം, ഇടുക്കി, ആലപ്പുഴ, കോട്ടയം, പത്തനംതിട്ട, കൊല്ലം, തിരുവനന്തപുരം, കന്യാകുമാരി എന്നീ ജില്ലകളിലെ പ്രതിനിധികളാണ് ഡെലിഗേറ്റ്‌സ് കോണ്‍ഫറന്‍സില്‍ പങ്കെടുക്കുക.