സഊദി അറേബ്യയിൽ വെള്ളിയാഴ്ച വരെ മഴയും ആലിപ്പഴ വർഷവും; സുരക്ഷിത കേന്ദ്രങ്ങളിലേക്ക് മാറണം

റിയാദ്: സഊദി അറേബ്യയിൽ വെള്ളിയാഴ്ച വരെ മഴക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മഴക്കൊപ്പം മിന്നലിനും ആലിപ്പഴ വർഷത്തിനും സാധ്യതയുണ്ടെന്നും മുന്നറിയിപ്പിൽ പറയുന്നു. വിവിധ പ്രദേശങ്ങളിൽ താമസിക്കുന്നവർക്ക് കാലാവസ്ഥ നിരീക്ഷണ കേന്ദ്രം ജാഗ്രതാ നിർദേശം നൽകിയിട്ടുണ്ട്.

മക്ക, മദീന, തബൂക്ക്, തായിഫ്, അദം, അൽകമൽ, ജിസാൻ, മെയ്‌സാൻ, അൽ-അർദിയാത്ത്, അസീർ, അൽബാഹ, അൽജാമും, അൽ-ജൗഫ്, വടക്കൻ അതിർത്തി പ്രദേശങ്ങൾ എന്നിവിടങ്ങളിൽ താമസിക്കുന്നവർ ജാഗ്രത പാലിക്കണം.

ചതുപ്പുകൾ, താഴ്‌വരകൾ തുടങ്ങി വെള്ളക്കെട്ടിനു സാധ്യതയുള്ള താഴ്ന്ന പ്രദേശങ്ങളിൽ താമസിക്കുന്നവർ സുരക്ഷിത സ്ഥലങ്ങളിലേക്ക് മാറണമെന്ന് ജനറൽ ഡയറക്ടറേറ്റ് ഓഫ് സിവിൽ ഡിഫൻസ് ആവശ്യപ്പെട്ടു.