സോണിയയും പ്രിയങ്കയും ചെന്നൈയില്‍; നേരിട്ടെത്തി സ്വീകരിച്ച് സ്റ്റാലിന്‍

ചെന്നൈ: ഡി.എം.കെയുടെ കോണ്‍ഫറന്‍സില്‍ പങ്കെടുക്കാന്‍ കോണ്‍ഗ്രസ് നേതാവ് സോണിയ ഗാന്ധിയും പ്രിയങ്ക ഗാന്ധിയും ചെന്നൈയിലെത്തി. ഡി.എം.കെ ഇന്ന് നടത്തുന്ന വിമന്‍സ് റൈറ്റ്‌സ് കോണ്‍ഫറന്‍സില്‍ പങ്കെടുക്കാനാണ് ഇരുവരും ചെന്നൈയിലെത്തിയത്.

തമിഴ്‌നാട് മുഖ്യമന്ത്രിയും ഡി.എം.കെ നേതാവുമായ എം.കെ. സ്റ്റാലിന്‍, ഡി.എം.കെ എംപിമാരായ കനിമൊഴി. ടി.ആര്‍. ബാലു, എന്നിവര്‍ ചെന്നൈ വിമാനത്താവണത്തില്‍ നേരിട്ടെത്തി ഇരുവരേയും സ്വീകരിച്ചു.

ലോക്‌സഭയിലും നിയമസഭകളിലും വനിതകള്‍ക്കുള്ള 33% സംവരണം കേന്ദ്രസര്‍ക്കാര്‍ ഉടന്‍ നടപ്പാക്കണമെന്ന് കോണ്‍ഫറന്‍സില്‍ ആവശ്യപ്പെട്ടും. എം.കെ. സ്റ്റാലിനാണ് കോണ്‍ഫറന്‍സ് അധ്യക്ഷന്‍.

സമ്മേളന വേദിയായ ചെന്നൈയിലെ നന്ദനം വൈഎംസിഎ ഗ്രൗണ്ടില്‍ തമിഴ്‌നാട് മുഖ്യമന്ത്രി എംകെ സ്റ്റാലിന്‍ വെള്ളിയാഴ്ച പരിശോധന നടത്തി. ഡി.എം.കെ ഡെപ്യൂട്ടി ജനറല്‍ സെക്രട്ടറി കെ കനിമൊഴി ഇന്ത്യയിലെ പ്രമുഖ വനിതാ നേതാക്കളെ സമ്മേളനത്തില്‍ പങ്കെടുക്കാന്‍ ക്ഷണിച്ചിട്ടുണ്ട്.