സ്‌കൂട്ടറിന്റെ ഹാന്‍ഡിലിനു താഴെയുള്ള ബോക്‌സിനകത്ത് കയറിപ്പറ്റിയ ഭീമന്‍ മൂര്‍ഖനെ വെറും കൈയോടെ പിടികൂടുന്ന വിഡിയോ ഇന്‍സ്റ്റഗ്രാമില്‍ ശ്രദ്ധപിടിച്ചുപറ്റി. പാമ്പ് പിടുത്തക്കാരനായ അവിനാശ് യാദവ് ആണ് വിഡിയോ പങ്കുവച്ചത്. വിവിധ തരത്തിലുള്ള പാമ്പുകളെ പിടികൂടുന്ന ചിത്രങ്ങള്‍ ഇദ്ദേഹം സ്ഥിരമായി പങ്കുവയ്ക്കാറുണ്ട്. കേരളത്തിനു പുറത്തെ മറ്റൊരു വാവ സുരേഷ് ആണിതെന്നു പറയാം.

ചെറിയ സ്‌ക്രൂഡ്രൈവര്‍ ഉപയോഗിച്ച് സ്‌കൂട്ടറിന്റെ മുന്‍വശത്തെ തകിട് അഴിച്ചുമാറ്റിയാണ് പാമ്പിനെ പുറത്തെടുത്തത്. ഈ സമയം മൂര്‍ഖന്‍ തല ഉയര്‍ത്തി ഫണം വിടര്‍ത്തുന്നുണ്ട്. പിന്നീട് ഹാന്‍ഡിലിനു താഴെ ചുറ്റിവരിഞ്ഞെങ്കിലും നല്ല പരിചയസമ്പത്തുള്ള അവിനാശ് ഒരു കൂസലുമില്ലാതെ വെറും കൈയോടെ ആളെ പൊക്കി. 33,000 ത്തിലധികം ലൈക്കുകളാണ് ഇതിനകം ലഭിച്ചത്.

 

 

 

 

 

View this post on Instagram

 

 

 

 

 

 

 

 

 

 

 

A post shared by Avinash Yadav..! (@avinashyadav_26)