പാക്കിസ്ഥാനെ എറിഞ്ഞുവീഴ്ത്തി ഇന്ത്യ; 192 റണ്‍സ് വിജയലക്ഷ്യം

ഗംഭീര പ്രകടനത്തിലൂടെ പാകിസ്ഥാനെ പിടിച്ചുകെട്ടിയ ഇന്ത്യയ്ക്ക് വിജയ ലക്ഷ്യം 192 റണ്‍സ്. ബൗളര്‍മാരുടെ മികച്ച പ്രകടനവും ക്യാപ്റ്റന്‍ രോഹിത് ശര്‍മയുടെ നിര്‍ണായക ബൗളിങ് മാറ്റങ്ങളുമാണ് നിര്‍ണായകമായത്. ടോസ് നേടി പാകിസ്താനെ ബാറ്റിങ്ങിനയച്ച ഇന്ത്യ അവരെ 42.5 ഓവറില്‍ 191 റണ്‍സിന് പുറത്താക്കി. ആവേശം കാണിക്കാതെ ബാറ്റുവീശിയ ബാബര്‍ റിസ്വാന്‍ കൂട്ടുകെട്ട് സന്ദര്‍ശകരെ മികച്ച ടോട്ടലിലെത്തിക്കുമെന്ന് കരുതിയെങ്കിലും സിറാജും ബുംറയും ഇരുവരെയും വീഴ്ത്തിയതോടെ കളി മാറുകയായിരുന്നു.

58 പന്തില്‍ നിന്ന് ഏഴ് ബൗണ്ടറി സഹിതമാണ് ബാബറിന്റെ ഇന്നിങ്‌സ്. 69 പന്തില്‍നിന്ന് ഏഴു ബൗണ്ടറിയോടെയാണ് റിസ്‌വാന്റെ 49. പനി മൂലം ആദ്യ രണ്ടു മത്സരത്തില്‍ ഇല്ലാതിരുന്ന ശുഭ്മാന്‍ ഗില്ലിനെ ഉള്‍പ്പെടുത്തിയാണ് ഇന്ത്യ ടീം പ്രഖ്യാപിച്ചത്. ഇഷാന്‍ കിഷനാണ് പുറത്തായത്.