അഡലെയ്ഡ്: ട്വന്റി 20 ലോകകപ്പില്‍ അഫ്ഗാനിസ്താനെ തോല്‍പിച്ചിട്ടും ആതിഥേയരായ ആസ്‌ട്രേലിയയുടെ സെമി സാധ്യത അനിശ്ചിതത്വത്തില്‍. നാളെ നടക്കുന്ന കളിയില്‍ ഇംഗ്ലണ്ട് ശ്രീലങ്കയെ തോല്‍പിച്ചാല്‍ ആസ്‌ട്രേലിയക്ക് പുറത്തേക്കുള്ള വഴി തുറക്കും. ഇംഗ്ലണ്ട് വന്‍ മാര്‍ജിനില്‍ തോറ്റാല്‍ മാത്രമേ ആതിഥേയര്‍ക്ക് സെമിയിലെത്താനാവൂ.

അവസാനം വരെ ആവേശം നിറഞ്ഞ മത്സരത്തില്‍ അഫ്ഗാനിസ്താനെ നാല് റണ്‍സിനാണ് ഓസീസ് കീഴടക്കിയത്. 169 റണ്‍സ് വിജയലക്ഷ്യമിട്ടിറങ്ങിയ അഫ്ഗാന്‍ ഏഴ് വിക്കറ്റ് നഷ്ടത്തില്‍ 164 റണ്‍സാണെടുത്തത്. അവസാന ഓവറില്‍ ജയിക്കാന്‍ 22 റണ്‍സ് വേണ്ടിയിരുന്ന അഫ്ഗാന് 17 റണ്‍സെടുക്കാനേ കഴിഞ്ഞുള്ളൂ.