ആലപ്പുഴ: ആലപ്പുഴയിലെ അരൂരിൽ ബൈക്ക് അപകടത്തിൽ മൂന്ന് യുവാക്കൾ മരിച്ചു. നിർത്തിയിട്ട സ്‌കൂൾ ബസിന് പിറകിൽ ബൈക്ക് ഇടിച്ചാണ് അപകടം ഉണ്ടായത്. 23 വയസ്സുകാരായ അഭിജിത്ത്, ആൽവിൻ, ബിജോയ് വർഗീസ് എന്നിവരാണ് മരിച്ചത്.

പുലർച്ചെ ഒരുമണിയോടെയാണ് അപകടം ഉണ്ടായത്. അഭിജിത്തും ആൽവിനും അരൂർ മുക്കം സ്വദേശികളും ബിജോയ് ചന്തിരൂർ സ്വദേശിയുമാണ്. അഭിജിത്തും ആൽവിനും സംഭവസ്ഥലത്തു വെച്ചു തന്നെ മരിച്ചു. ബിജോയ് വർഗീസ് ഇന്നു രാവിലെയാണ് മരിച്ചത്.

ചന്തിരൂരിലെ ബിജോയിയുടെ വീട്ടിൽ ബന്ധുവിന്റെ ഒരു ചടങ്ങ് നടന്നിരുന്നു. ഈ ചടങ്ങിൽ സംബന്ധിച്ചശേഷം പോകുമ്പോഴായിരുന്നു അപകടമുണ്ടായതെന്നാണ് വിവരം. ബൈക്ക് സ്‌കൂൾ ബസിന് അടിയിലേക്ക് ഇടിച്ചുകയറി തകർന്ന നിലയിലായിരുന്നു.