മക്ക: സമസ്ത ഇസ്‌ലാമിക് സെന്റർ മക്ക സെൻട്രൽ കമ്മിറ്റി മീലാദ് ഫെസ്റ്റും ,സാംസ്കാരിക സംഗമവും സംഘടിപ്പിച്ചു. ദ്വൈമാസ റബീഅ് കാംപയിന്റെ ഭാഗമായി ഹുസൈനിയാ ഓഡിറ്റോറിയത്തിൽ വെച്ച് നടന്ന പരിപാടി നാഷണൽ കമ്മിറ്റി പ്രസിഡൻ്റ് സയ്യിദ് ഉബൈദുല്ല തങ്ങൾ ഉദ്ഘാടനം ചെയ്തു. സെൻട്രൽ കമ്മിറ്റി പ്രസിഡൻ്റ് ഉസ്മാൻ ദാരിമി കരുളായി അധ്യക്ഷനായി.

കെഎംസിസി നാഷണൽ ട്രഷറർ കുഞ്ഞിമോൻ കാക്കിയ മുഖ്യപ്രഭാഷണം നടത്തി. വിദ്യാർഥികളുടെ കലാപരിപാടികളും പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന തെറ്റത്ത് മുഹമ്മദ്കുട്ടി ഹാജിക്ക് മോമൻ്റോയും നൽകി ആദരിച്ചു. എസ് കെ എസ് എസ് എഫ് മലപ്പുറം ഈസ്റ്റ് ജില്ലാ സെക്രട്ടറി ഇസ്മായിൽ അരിമ്പ്ര, എസ് ഐ സി നാഷണൽ സെക്രട്ടറി മുനീർ ഫൈസി മാമ്പുഴ, വിഖായ നാഷണൽ ചെയർമാൻ ഫരീദ് ഐകരപടി, മക്ക ചെയർമാൻ സയ്യിദ് മാനു തങ്ങൾ അരീക്കോട്, സയ്യിദ് സിദ്ദീഖ് തങ്ങൾ പാണക്കാട്, സൽമാൻ ദാരിമി, മുസ്തഫ മഞ്ഞകുളം, ഇസ്സുദ്ദീൻ, നാസർ കിൻസാറ, അബ്ബാസ് ഫൈസി കാളമ്പാടി, മക്ക സെൻട്രൽ കമ്മിറ്റി സെക്രട്ടറി ഇൻ ചാർച്ച് ജാസിം കാടാമ്പുഴ, ഓർഗനൈസിങ് സെക്രട്ടറി സിറാജ് പേരാമ്പ്ര, സെക്രട്ടറി സക്കീർ കോഴിച്ചെന, നൗഫൽ, തുടങ്ങിയവർ സംബന്ധിച്ചു.

എസ് ഐ സി മക്ക വർക്കിംഗ് സെക്രട്ടറി മുസ്തഫ മലയിൽ സ്വാഗതവും മുഹമ്മദ് അലി യമാനി നന്ദിയും പറഞ്ഞു.