കേരള പൊലിസില്‍ കോണ്‍സ്റ്റബിളാവാം; ഇനിയും വൈകല്ലേ; അപേക്ഷ സമര്‍പ്പിക്കേണ്ട അവസാന തീയതി നാളെ

പത്താം ക്ലാസും ഐ.ടി.ഐയും പൂര്‍ത്തിയാക്കിയവര്‍ക്ക് കേരള പൊലിസിന്റെ മോട്ടോര്‍ ട്രാന്‍സ്‌പോര്‍ട്ട് വകുപ്പില്‍ ജോലിയവസരം. പൊലിസ് കോണ്‍സ്റ്റബിള്‍ ഇലക്ട്രീഷന്‍ തസ്തികയിലേക്ക് പി.എസ്.സി മുഖാന്തിരമാണ് നിയമനം.
അപേക്ഷ സമര്‍പ്പിക്കാനുള്ള അവസാന തീയതി 18-10-2023 ആണ്. താല്‍പര്യമുള്ള ഉദ്യോഗാര്‍ഥികള്‍ കേരള പി.എസ്.സിയുടെ വെബ്‌സൈറ്റ് വഴി ഇന്ന് തന്നെ ഓണ്‍ലൈനായി അപേക്ഷ സമര്‍പ്പിച്ചോളൂ.

ഇലക്ട്രീഷന്‍ തസ്തികയില്‍ ആകെ 28 ഒഴിവുകളാണ് റിപ്പോര്‍ട്ട് ചെയ്തിരിക്കുന്നത്. കേരളത്തില്‍ എവിടെ വേണമെങ്കിലും നിയമനം നടക്കാം. തെരഞ്ഞെടുക്കപ്പെട്ടാല്‍ 31,100 മുതല്‍ 66,800 രൂപ വരെ ശമ്പളയിനത്തില്‍ നേടാന്‍ അവസരം.

കാറ്റഗറി നമ്പര്‍: 247/2023
തസ്തിക: പൊലിസ് കോണ്‍സ്റ്റബിള്‍ ഇലക്ട്രീഷന്‍
ആകെ ഒഴിവുകള്‍: 28

പ്രായപരിധി
18 മുതല്‍ 26 വയസ് വരെ പ്രായമുള്ളവര്‍ക്കാണ് അപേക്ഷിക്കാനാവുക. 02-01-1997 നും 01-01-2005 ഇടയില്‍ ജനിച്ചവരായിരിക്കണം. ഒ.ബി.സിക്കാര്‍ക്ക് 29 വയസുവരെയും എസ്.സി, എസ്.ടി ഉദ്യോഗാര്‍ഥികള്‍ക്ക് 31 വയസുവരെയും വിമുക്ത ഭടന്‍മാര്‍ക്ക് 41 വയസുവരെയും വയസിളവുണ്ട്.

യോഗ്യത
എസ്.എസ്.എല്‍.സി യോ തത്തുല്യ യോഗ്യതയോ ഉണ്ടായിരിക്കണം.
ഇലക്ട്രീഷ്യന്‍ ട്രേഡില്‍ നാഷണല്‍ ട്രേഡ് സര്‍ട്ടിഫിക്കറ്റ് ഉണ്ടായിരിക്കണം.

ശാരീരിക യോഗ്യത
ഉദ്യോഗാര്‍ഥികള്‍ മിനിമം ശാരീരിക ക്ഷമത പുലര്‍ത്തിയിരിക്കണം.
നീളം: 165 സെ.മീ
നെഞ്ചളവ്: 81-86 സെ.മീ, എക്‌സ്പാന്‍ഷന്‍ 5 സെ.മീ

അപേക്ഷിക്കേണ്ട വിധം
കേരള പി.എസ്.സിയുടെ www.keralapsc.gov.in എന്ന വെബ്‌സൈറ്റിലൂടെ ഒറ്റത്തവണ രജിസ്‌ട്രേഷന്‍ നടത്തിയാണ് അപേക്ഷ സമര്‍പ്പിക്കേണ്ടത്.

വിദ്യാഭ്യാസ-കരിയര്‍ വാര്‍ത്തകള്‍ ലഭിക്കാന്‍ ഈ ഗ്രൂപ്പ് ജോയിന്‍ ചെയ്യുക
https://chat.whatsapp.com/JmpgqVyKkPb3UxjjPqq81b

.