മൂന്നാര്‍: കുണ്ടളക്ക് സമീപം പുതുക്കുടിയില്‍ മണ്ണിടിച്ചിലുണ്ടായ സംഭവത്തില്‍ കാണാതായ വാഹനം കണ്ടെത്തി, എന്നാല്‍ വാഹനത്തിലുണ്ടായിരുന്നെന്ന് സംശയിക്കപ്പെടുന്നയാളെ കണ്ടെത്താനായില്ല. പ്രതികൂല കാലാവസ്ഥ മൂലം തിരച്ചില്‍ അവസാനിപ്പിച്ചു. നാളെ രാവിലെ തിരച്ചില്‍ തുടരും.

അതേസമയം, മൂന്നാര്‍ വട്ടവട റോഡില്‍ ഗതാഗതം പുനഃസ്ഥാപിച്ചു. കോഴിക്കോട് വടകരയില്‍ നിന്നുള്ള വിനോദ സഞ്ചാരികള്‍ എത്തിയ ട്രാവലറിന് മുകളിലേയ്ക്കാണ് മണ്ണ് ഇടിഞ്ഞ് വീണിരുന്നത്. പ്രദേശത്ത് നിര്‍ത്തിയിട്ടിരുന്ന വാഹനം മണ്ണിടിഞ്ഞെത്തിയതോടെ താഴേക്ക് പതിക്കുകയായിരുന്നു. സംഭവത്തില്‍ ആര്‍ക്കും പരിക്കില്ലെന്നാണ് പൊലീസ് പറയുന്നത്. എന്നാല്‍ ഒരാള്‍ വാഹനത്തില്‍ കുടുങ്ങിക്കിടക്കുന്നതായാണ് സംശയമുണ്ട്.