തിരുവനന്തപുരം: സംസ്ഥാനത്തെ നാലു ജില്ലകളില്‍ കലക്ടര്‍മാര്‍ക്കു സ്ഥലം മാറ്റം. കണ്ണൂര്‍ കലക്ടറായ ടി.വി സുഭാഷ് കൃഷിവകുപ്പ് ഡയറക്ടറായും എസ് ചന്ദ്രശേഖര്‍ പുതിയ കലക്ടറായും ചാര്‍ജെടുക്കും. വയനാട് കലക്ടറായ അദില അബ്ദുല്ല വനിത ശിശുക്ഷേമ വകുപ്പ് ഡയറക്ടറായും പകരം എ ഗീത വയനാട് ജില്ലാ കലക്ടറാകും. മലപ്പുറം കലക്ടറായ ഗോപാലകൃഷ്ണന്‍ എംപ്ലോയ്‌മെന്റ് ട്രെയിനിങ് ഡയറക്ടറായും പകരം വി.ആര്‍ പ്രേംകുമാര്‍ മലപ്പുറം കലക്ടറായും ചാര്‍ജെടുക്കും. കൊല്ലം കലക്ടര്‍ അബ്ദുല്‍ നാസറിനെ തൊഴിലുറപ്പ് മിഷന്‍ ഡയറക്ടറാക്കിയും പകരം അപ്‌സാന പര്‍വീന്‍ കൊല്ലം കലക്ടറുമാകും. ടി .വി അനുപമ പട്ടിക വര്‍ഗവകുപ്പ് ഡയറക്ടറാകും. എന്‍ട്രസ് കമ്മീഷണറുടെ അധിക ചുമതലയും നല്‍കി. മുഹമ്മദ് വൈ സഫറുള്ളയെ ജിഎസ്ടി സ്‌പെഷന്‍ കമ്മീഷണറായും സജിത് ബാബുവിനെ ദുരന്തനിവാരണ ഡയറക്ടറായും നിയമിച്ചു.