കശ്മീരില്‍ നുഴഞ്ഞുകയറ്റത്തിനു ശ്രമിച്ച അഞ്ച് ഭീകരരെ ഏറ്റുമുട്ടലില്‍ വധിച്ചു

ശ്രീനഗര്‍: കശ്മീരില്‍ നുഴഞ്ഞുകയറ്റത്തിനു ശ്രമിച്ച അഞ്ച് ലഷ്‌കര്‍ ഭീകരരെ ഏറ്റുമുട്ടലില്‍ വധിച്ചു. കുപ്‌വാര ജില്ലയിലെ മാച്ചിലിലാണ് സംഭവം. പൊലീസും സൈന്യവും ചേര്‍ന്നു നടത്തിയ വെടിവയ്പ്പില്‍ ആദ്യം രണ്ട് ഭീകരരും പിന്നീടുണ്ടായ ഏറ്റുമുട്ടലില്‍ മൂന്ന് ഭീകരരും കൊല്ലപ്പെടുകയായിരുന്നു. കൊല്ലപ്പെട്ടവര്‍ ലഷ്‌കറെ ത്വയ്ബ പ്രവര്‍ത്തകരാണെന്ന് പൊലീസ് അറിയിച്ചു.

ആദ്യം സൈനികര്‍ മാത്രമായിരുന്നു നുഴഞ്ഞുകയറ്റക്കാര്‍ക്കെതിരെയുള്ള നീക്കം നടത്തിയത്. പിന്നീട് പോലീസും ഇവര്‍ക്കൊപ്പം ചേര്‍ന്നു. പ്രദേശത്ത് ഇപ്പോഴും ഓപ്പറേഷന്‍ തുടരുകയാണെന്നും കൂടുതല്‍ വിശദാംശങ്ങള്‍ പിന്നീട് അറിയിക്കുമെന്നും ഡി.ജി.പി. ദില്‍ബാഗ് സിങ് അറിയിച്ചു.