മലപ്പുറം: ആധുനികമായ കൃഷി യന്ത്രങ്ങളില്‍ വനിതകള്‍ക്ക് വിദഗ്ധ പരിശീലനം ലഭ്യമാക്കുന്നതിനും കൂടുതല്‍ പേരെ ഈ രംഗത്തേക്ക് ആകര്‍ഷിക്കുന്നതിനും ലക്ഷ്യം വെച്ച് തവനൂര്‍ കേളപ്പജി കാര്‍ഷിക എന്‍ജിനീയറിങ് കോളജിന്റെയും കുടുംബശ്രീ ജില്ലാ മിഷന്റെയും സഹകരണത്തോടെ പരിശീലന പരിപാടി സംഘടിപ്പിക്കുന്നു. ജില്ലാ കൃഷി എന്‍ജിനീയറിംഗ് ഓഫീസിലെ പരിശീലകരും കാര്‍ഷിക എന്‍ജിനീയറിങ് കോളജിലെ സാങ്കേതിക വിദഗ്ധരുമാണ് പരിശീലനത്തിന് നേതൃത്വം നല്‍കുന്നത്. പരിശീലന പരിപാടിയുടെ ഉദ്ഘാടനം ചേളന്നൂര്‍ സര്‍വീസ് സഹകരണ ബാങ്ക് അങ്കണത്തില്‍ഇന്നു രാവിലെ 10 ന് ചേളന്നൂര്‍ ബ്ലോക്ക് പഞ്ചായത്ത് പ്രസിഡന്റ് ഒ.പി ശോഭന നിര്‍വഹിക്കും. ചേളന്നൂര്‍ ഗ്രാമ പഞ്ചായത്ത് പ്രസിഡന്റ് ടി. വല്‍സല അധ്യക്ഷയാകും.