നീലേശ്വരം: കിനാനൂര്‍ കരിന്തളം പഞ്ചായത്തിലെ കടലാടിപ്പാറയില്‍ ബോക്‌സൈറ്റ് ഖനനത്തിനുള്ള ആശാപുരയുടെ നീക്കത്തിനെതിരേ പ്രക്ഷോഭം ശക്തമാകുന്നു. ഖനന നീക്കത്തില്‍ പ്രതിഷേധിച്ചു സി.എം.പി ജില്ലാ കമ്മിറ്റി ഇന്നു ധര്‍ണ നടത്തും.
          നീലേശ്വരം ബസ്സ്റ്റാന്‍ഡ് പരിസരത്തു വൈകീട്ട് മൂന്നിനാണു ധര്‍ണ. പരിസ്ഥിതി പ്രവര്‍ത്തകനും സീക്ക് ഡയരക്ടറുമായ ടി.പി പത്മനാഭന്‍ ഉദ്ഘാടനം ചെയ്യും. ജില്ലാ കമ്മിറ്റി യോഗത്തില്‍ വി കമ്മാരന്‍, വി.കെ രവീന്ദ്രന്‍, ബി സുകുമാരന്‍, സി.വി തമ്പാന്‍, സുഭാഷ് ചീമേനി, പി.കെ രഘുനാഥ് സംസാരിച്ചു.