ദുബൈ: ദുബൈ വിമാനക്കമ്പനികളായ എമിറേറ്റ്‌സും ഇത്തിഹാദും സഊദിയിലേക്ക് സര്‍വിസുകള്‍ തുടങ്ങി. ഇത്തിഹാദ് എയര്‍വേസ് ശനിയാഴ്ചയാണ് സര്‍വിസ് തുടങ്ങിയത്. ഇത്തിഹാദ് അവരുടെ വെബ്‌സൈറ്റിലാണ് ഇതു സംബന്ധിച്ച വിവരങ്ങള്‍ പങ്കുവച്ചത്. ശനിയാഴ്ച റിയാദിലേക്കാണ് എമിറേറ്റ്‌സ് സര്‍വിസ് നടത്തിയത്.

ഇത്തിഹാദ് വിമാന സര്‍വിസുകള്‍ നാളെ മുതല്‍ ആരംഭിക്കും. ജിദ്ദയിലേക്കാണ് ആദ്യ സര്‍വിസെന്ന് ഇത്തിഹാദ് അറിയിച്ചു. അവരുടെ വെബ്‌സൈറ്റിലാണ് ഇതുസംബന്ധിച്ച വിവരങ്ങള്‍ നല്‍കിയിരിക്കുന്നത്. ദമ്മാമിലേക്ക് 15 മുതലും ഇത്തിഹാദ് വിമാന സര്‍വിസുകള്‍ ആരംഭിക്കും. റിയാദ്, ജിദ്ദ, ദമ്മാം എന്നിവിടങ്ങളിലേക്ക് എമിറേറ്റ്‌സ് പ്രതിദിന സര്‍വിസുകള്‍ നടത്തും. ആഴ്ചയില്‍ 24 സര്‍വിസ് ഉണ്ടാകും. സെപ്റ്റംബര്‍ 16 മുതല്‍ റിയാദിലേക്കുള്ള സര്‍വിസുകള്‍ ഇരട്ടിയാക്കുമെന്നും എമിറേറ്റ്‌സ് അറിയിച്ചു.
കൊവിഡ് വ്യാപനം വര്‍ധിച്ച സാഹചര്യത്തിലാണ് സഊദി വിമാന സര്‍വിസ് നിര്‍ത്തിവച്ചത്. ഇപ്പോള്‍ നിരവധി രാജ്യങ്ങളെ റെഡ് ലിസ്റ്റില്‍നിന്ന് സഊദി ഒഴിവാക്കിയിട്ടുണ്ട്. സഊദിയിലേക്ക് ഫ്‌ളൈ ദുബൈ സര്‍വിസുകള്‍ ഇന്നലെ ആരംഭിച്ചു. 14 മുതല്‍ എയര്‍ അറേബ്യയും സഊദിയിലേക്ക് വിമാന സര്‍വിസ് നടത്തും. യു.എ.ഇയില്‍നിന്ന് വിമാന സര്‍വിസ് ആരംഭിക്കുന്നത് വളരെ പ്രതീക്ഷയോടെയാണ് സഊദിയിലുള്ള പ്രവാസികള്‍ നോക്കിക്കാണുന്നത്.