അമിതമായി ഉറക്ക ഗുളിക കഴിച്ചു; അലന്‍ ഷുഹൈബ് ആശുപത്രിയില്‍

കൊച്ചി: പന്തീരങ്കാവ് യു.എ.പി.എ കേസില്‍ കുറ്റാരോപിതനായ അലന്‍ ഷുഹൈബിനെ അമിത അളവില്‍ ഉറക്ക ഗുളിക കഴിച്ചതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചു. ഇന്നലെയാണ് ഓവര്‍ ഡോസ് കാരണം ആരോഗ്യ നില വഷളായ അലനെ അവശനിലയില്‍ കണ്ടെത്തിയത്. എറണാകുളം ഇടത്തറയിലുള്ള ബന്ധുവിന്റെ ഫഌറ്റില്‍ നിന്നാണ് അലനെ കണ്ടെത്തിത്.

ഉടന്‍ തന്നെ ബന്ധുക്കളെത്തി ആശുപത്രിയിലേക്ക് മാറ്റി. മുപ്പതിലധികം ഉറക്ക ഗുളികകള്‍ അലന്‍ കഴിച്ചതായാണ് വിവരം. കേസില്‍ വിചാരണ നടപടികള്‍ നടക്കുന്നതിനിടെയാണ് ആത്മഹത്യാ ശ്രമം. പൊലിസിന് ഇതുവരെ അലന്റെ മൊഴി രേഖപ്പെടുത്താന്‍ സാധിച്ചിട്ടില്ല.