തകഴിയിലെ കര്‍ഷകന്റെ മരണം; മൃതദേഹവുമായി ബിജെപി പ്രതിഷേധം

ആലപ്പുഴ: തകഴിയില്‍ മരിച്ച കര്‍ഷകന്റെ മൃതദേഹവുമായി ബി.ജെ.പി പ്രവര്‍ത്തകരുടെ പ്രതിഷേധം. പോസ്റ്റ്‌മോര്‍ട്ടത്തിന് ശേഷം വിലാപയാത്രയായി തകഴിയിലെത്തിച്ച മൃതദേഹവുമായി പ്രവര്‍ത്തകര്‍ അമ്പലപ്പുഴ തിരുവല്ല റോഡ് ഉപരോധിച്ചു.

അതേസമയം, കര്‍ഷകന്റെ മരണം സര്‍ക്കാറിന്റെ വികലമായ നെല്ല് സംഭരണ രീതി മൂലമാണെന്ന് കേന്ദ്രമന്ത്രി വി.മുരളീധരന്‍ കുറ്റപ്പെടുത്തി.

കര്‍ഷക ആത്മഹത്യയില്‍ സര്‍ക്കാരിനെതിരെ ഗവര്‍ണര്‍ രൂക്ഷവിമര്‍ശനമുന്നയിച്ചു. സാമ്പത്തിക ഞെരുക്കമാണെങ്കിലും ആഘോഷത്തിന് ഒരു കുറവുമില്ല. കര്‍ഷകും പെന്‍ഷന്‍ വാങ്ങുന്നവരും നേരിടുന്നത് കടുത്ത പ്രതിസന്ധിയാണെന്നും ആരിഫ് മുഹമ്മദ് ഖാന്‍ കുറ്റപ്പെടുത്തി.