ആലുവ: സമസ്ത കേരള ജംഇയ്യത്തുല്‍ ഉലമാ ജില്ലാ കമ്മിറ്റിയുടെ ആഭിമുഖ്യത്തില്‍ അത്തിപ്പറ്റ മൊയ്തീന്‍കുട്ടി ഉസ്താദിന്റെ നേതൃത്വത്തിലുള്ള സ്വലാത്ത് മജ്‌ലിസ് നാളെ വൈകിട്ട് ഏഴിന് ആലുവ തോട്ടുംമുഖം എന്‍.കെ സ്റ്റേഡിയത്തില്‍ നടക്കും.
സമസ്ത ജില്ലാ പ്രസിഡന്റ് ഐ.ബി ഉസ്മാന്‍ ഫൈസി അദ്ധ്യക്ഷത വഹിക്കുന്ന ചടങ്ങില്‍ സി.എം അലികുഞ്ഞ് മൗലവി പ്രാര്‍ഥന നിര്‍വഹിക്കും. സമസ്ത ജില്ലാ സെക്രട്ടറി ഇ.എസ് ഹസന്‍ ഫൈസി സ്വാഗതം ആശംസിക്കും.
എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷെഫീഖ് തങ്ങള്‍ ഫൈസി ഉദ്ഘാടനം നിര്‍വഹിക്കും. എസ്.കെ.എസ്.എസ്.എഫ്. സംസ്ഥാന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസി മുഖ്യപ്രഭാഷണം നടത്തും.
സ്വലാത്ത് മജ്‌ലിസിനും ദുആക്കും അത്തിപ്പറ്റ ഉസ്താദ് നേതൃത്വം നല്‍കും. ജില്ലയിലെ വിവിധ മഹല്ലുകളിലെ ഇമാമുമാര്‍ക്കും സമസ്തയുടേയും പോഷക സംഘടനകളുടേയും ജില്ലാ നേതാക്കള്‍ ചടങ്ങില്‍ സംബന്ധിക്കുമെന്ന് സ്വാഗതസംഘം കണ്‍വീനര്‍ കെ.എം. ബഷീര്‍ ഫൈസി അറിയിച്ചു.