മുംബൈ: ക്രിക്കറ്റ് ലോകകപ്പിലെ ആദ്യ സെമിയില്‍ ന്യൂസിലാന്‍ഡിനെ 70 റണ്‍സിന് തോല്‍പ്പിച്ച് ഇന്ത്യ ഫൈനലില്‍. ഏഴ് വിക്കറ്റ് നേട്ടവുമായി തകര്‍ത്താടിയ മുഹമ്മദ് ഷമിയുടെ മികവിലാണ് ഇന്ത്യ ലോകകപ്പിന്റെ ഫൈനലിലെത്തിയത്. ആദ്യം ബാറ്റ് ചെയ്ത് ഇന്ത്യ മുന്നോട്ടുവെച്ച 398 റണ്‍സ് വിജയലക്ഷ്യം മറികടക്കാനുള്ള ന്യൂസിലാന്‍ഡിന്റെ ശ്രമം 48.5 ഓവറില്‍ 10 വിക്കറ്റ് നഷ്ടത്തില്‍ 327 റണ്‍സ് വരെയെത്തിനിന്നു.