എഞ്ചിൻ പാളം തെറ്റിയതിനെ തുടർന്ന് തകരാറിലായ ട്രെയിൻ ഗതാഗതം പുനഃസ്ഥാപിച്ചു

പാലക്കാട്: ട്രെയിൻ പാളം തെറ്റിയതിനെ തുടർന്ന് താറുമാറായ ട്രെയിൻ ഗതാഗതം പുനഃസ്ഥാപിച്ചു. ഇന്നലെ വൈകീട്ട് നിലമ്പൂരില്‍ നിന്ന് പാലക്കാട്ടേക്ക് പോവുകയായിരുന്ന പാസഞ്ചറിന്റെ എന്‍ഞ്ചിനാണ് പാളം തെറ്റിയത്. പാലക്കാട് വല്ലപ്പുഴ റെയില്‍വേ സ്റ്റേഷന്‍ സമീപമായിരുന്നു സംഭവം.

പശു ട്രയിനിനു മുന്നില്‍ ചാടിയതാണ് പാളം തെറ്റാന്‍ കാരണമെന്ന് റെയില്‍വെ അറിയിച്ചു. ആര്‍ക്കും പരിക്കില്ല. റെയില്‍വെ സ്റ്റേഷന്‍ എത്തുന്നതിന് ഒരു കിലോമീറ്റര്‍ അടുത്താണ് സംഭവം.

അപകടത്തെ തുടര്‍ന്ന് പാതയില്‍ ട്രെയിന്‍ ഗതാഗതം മണിക്കൂറുകളോളം തടസപ്പെട്ടു. ഇതേതുടർന്ന് ഷൊര്‍ണൂര്‍ – നിലമ്പൂര്‍, നിലമ്പൂര്‍ – ഷൊര്‍ണൂര്‍ പാസഞ്ചറുകള്‍ റദ്ദാക്കി. മറ്റു ട്രെയിനുകളും റദ്ദാക്കി. ഇന്ന് പുലർച്ചയോടെ ഗതാഗതം പുനഃസ്ഥാപിച്ചു.