ഭക്ഷണപദാര്‍ത്ഥങ്ങള്‍ ഫ്രിഡ്ജില്‍ സൂക്ഷിക്കുന്നതും അത് ഇടയ്ക്കിടെ ചൂടാക്കി കഴിക്കുന്നതും നമ്മളില്‍ പലരും പിന്തുടരുന്ന ശീലമാണ്. എന്നാല്‍ ഇത്തരത്തില്‍ ഫ്രിഡ്ജില്‍ വെച്ചിരിക്കുന്ന ഭക്ഷണപദാര്‍ത്ഥങ്ങള്‍ ചൂടാക്കി കഴിക്കുമ്പോള്‍ ചില കാര്യങ്ങള്‍ സൂക്ഷിച്ചില്ലെങ്കില്‍ വലിയ പ്രശ്‌നങ്ങളാണ് നമ്മെ കാത്തിരിക്കുന്നത് എന്നാണ് പുറത്ത് വരുന്ന പഠനങ്ങള്‍ അഭിപ്രായപ്പെടുന്നത്.

നന്നായി ചൂടാറിയ ശേഷം മാത്രമെ ബാക്കി വന്ന ഭക്ഷണം ഫ്രിഡ്ജിലേക്ക് മാറ്റാവൂ എന്നതാണ് ശ്രദ്ധിക്കേണ്ട പ്രധാന കാര്യം. അതുപോലെ ഫ്രിഡ്ജില്‍ നിന്നെടുത്ത ഭക്ഷണം ചൂടാക്കാതെ കഴിക്കരുത്. ഫ്രിഡ്ജില്‍ സൂക്ഷിച്ചാലും ഭക്ഷണത്തില്‍ ചില സൂക്ഷ്മജീവികള്‍ കടന്നുകൂടാന്‍ ഇടയുണ്ട്, ഇവയെ നശിപ്പിക്കാനാണ് ഭക്ഷണം ചൂടാക്കേണ്ടത്. ഭക്ഷണം ചൂടാക്കുമ്പോഴും ചില കാര്യങ്ങള്‍ ശ്രദ്ധിക്കേണ്ടതുണ്ട്. ഒരിക്കല്‍ വേവിച്ച ഭക്ഷണം വീണ്ടും ഒരു തവണ കൂടിയെ ചൂടാക്കാന്‍ പാടുള്ളൂ. ഒന്നില്‍ കൂടുതല്‍ തവണ ചൂടാക്കേണ്ടി വന്നാല്‍ നിര്‍ബന്ധമായും മൈക്രോവേവ് അവ്‌നോ സ്റ്റൗവോ ഉപയോഗിക്കണം.

Content Highlights:Is reheated leftover food safe to eat?