ന്യൂഡല്‍ഹി: ജമ്മുകശ്മിരില്‍ സൈനിക ഹെലികോപ്ടര്‍ തകര്‍ന്ന് രണ്ട് പൈലറ്റുമാര്‍ മരിച്ചു. ജമ്മു കശ്മീര്‍ ഉധംപൂര്‍ ജില്ലയിലെ പട്‌നിടോപിലാണ് അപകടം നടന്നത്. മേജര്‍മാരായ രോഹിത് കുമാര്‍, അനൂജ് രാജ്പുത്ത് എന്നിവരാണ് മരിച്ചത്. ചീറ്റ ഹെലികോപ്റ്ററില്‍ പരിശീലന പറക്കല്‍ നടത്തുന്നതിനിടെയാണ് അപകടമുണ്ടായത്. കനത്ത മൂടല്‍ മഞ്ഞ് കാഴ്ചയെ ബാധിച്ചതാണ് അപകടകാരണമെന്നാണ് സൂചന. ഗുരുതരമായി പരുക്കേറ്റ ഇരുവരെയും ആശുപത്രിയിലെത്തിച്ചപ്പോഴേക്കും മരിച്ചിരുന്നു.