കോഴിക്കോട്: കേരള നദ്‌വത്തുല്‍ മുജാഹിദീന്‍ സംസ്ഥാന സമിതിയുടെ ആഭിമുഖ്യത്തില്‍ ഭീകരവിരുദ്ധ സെമിനാറിന് കോഴിക്കോട്ട് തുടക്കമായി. ഒരുമാസം നീളുന്ന പ്രചാരണത്തിന് കോഴിക്കോട് ഇന്‍ഡോര്‍ സ്‌റ്റേഡിയത്തില്‍ കെ.എന്‍.എം സംസ്ഥാന പ്രസിഡന്റ് ടി.പി അബ്ദുല്ലക്കോയ മദനി പ്രഖ്യാപനം നടത്തി.
ഗതാഗത വകുപ്പ് മന്ത്രി എ.കെ ശശീന്ദ്രന്‍ ഉദ്ഘാടനം ചെയ്തു. എം.കെ മുനീര്‍ എം.എല്‍.എ, സി.പി.എം ജില്ലാ സെക്രട്ടറി പി. മോഹനന്‍ മാസ്റ്റര്‍, എന്‍.സി.പി സംസ്ഥാന സെക്രട്ടറി എം. ആലിക്കോയ, കെ.എന്‍.എം ജില്ലാ പ്രസിഡന്റ് വി.കെ ബാവ, ഐ.എസ്.എം പ്രസിഡന്റ് ഡോ. എ.ഐ അബ്ദുല്‍ മജീദ് സ്വലാഹി, ബി.ജെ.പി ജില്ലാ പ്രസിഡന്റ് ടി.പി ജയചന്ദ്രന്‍ മാസ്റ്റര്‍, കെ.പി.സി.സി മുന്‍ സെക്രട്ടറി ടി. സിദ്ദീഖ്, സുപ്രഭാതം എക്‌സിക്യൂട്ടിവ് എഡിറ്റര്‍ എ. സജീവന്‍, മലയാള മനോരമ ചീഫ് ന്യൂസ് എഡിറ്റര്‍ പി.കെ ജോഷ്യ, നിസാര്‍ ഒളവണ്ണ, അബ്ദുസ്സലാം വളപ്പില്‍ സംസാരിച്ചു.