കോഴിക്കോട്: അവഗണിക്കപ്പെടുന്ന ദലിത് സമൂഹത്തിനു നേരെ കണ്ണു തുറക്കാന്‍ പ്രേരിപ്പിച്ചുകൊണ്ട് പൂക്കോട്ടുംപാടും ഗവ. എച്ച്.എസ്.എസിലെ എന്‍.എസ്.എസ് വിദ്യാര്‍ഥികള്‍ ഒരുക്കിയ ഹ്രസ്വചിത്രം പ്രകാശനത്തിനൊരുങ്ങുന്നു. 'ഓപ്പണ്‍ യുവര്‍ ഐസ് ' എന്നു പേരിട്ടിരിക്കുന്ന ചിത്രത്തിന്റെ പ്രകാശനം സെപ്റ്റംബര്‍ മൂന്നിന് പി.വി അന്‍വര്‍ എം.എല്‍.എ നിര്‍വഹിക്കും. സഹദ് നിലമ്പൂരാണ് ചിത്രം സംവിധാനം ചെയ്തിരിക്കുന്നത്. 10 മിനുറ്റ് ദൈര്‍ഘ്യമുള്ള ചിത്രം സെപ്റ്റംബര്‍ 13ന് യൂട്യൂബില്‍ അപ്‌ലോഡ് ചെയ്യും. വാര്‍ത്താസമ്മേളനത്തില്‍ വിദ്യാര്‍ഥികളായ സിയാദ് മേലകത്ത്, റിസാന്‍, മിന്‍ഹാജ്, ഡോണ്‍മോന്‍, ഐമന്‍ ജാബിര്‍ പങ്കെടുത്തു.