ടീമുകളുടെ ആദ്യറൗണ്ട് മത്സരങ്ങള്‍ക്കുശേഷം ഐപിഎല്ലില്‍ ഇന്ന് രണ്ടാം മത്സരം ആരംഭിക്കുകയാണ്. തങ്ങളുടെ ഹോം ഗ്രൗണ്ടില്‍ ബാംഗ്ലൂര്‍  പഞ്ചാബിനെ നേരിടുന്നു. രാത്രി 7.30 നാണ് മത്സരം. സീസണിലെ ആദ്യ മത്സരത്തില്‍ ബംഗളുരു ചെന്നൈയെയാണ് നേരിട്ടത്. ടൂര്‍ണമെന്റിലെ ഉദ്ഘാടന മത്സരമായിരുന്നു ഇത്. അന്ന് ആറ് വിക്കറ്റ് നഷ്ടത്തില്‍ 173 റണ്‍സാണ് അവര്‍ നേടിയത്.ചെന്നൈ ഇത് 18.4 ഓവറില്‍ മറികടക്കുകയും ചെയ്തു. ഇന്ന് ആദ്യ ജയമാണ് ബാംഗ്ലൂരിന്റെ ലക്ഷ്യം. അതേസമയം,പഞ്ചാബിന്റെ കഴിഞ്ഞ മത്സരം ഡല്‍ഹിക്കെതിരെയായിരുന്നു. ലിവിങ്സ്റ്റണിന്റേയും സാം കറണിന്റെയും നേതൃത്വത്തില്‍ നാല് പന്ത് ബാക്കിനില്‍ക്കെ അന്ന് പഞ്ചാബ് വിജയം കണ്ടു.

ഐപിഎല്‍ ചരിത്രത്തിലിതുവരെ 31 മത്സരങ്ങളിലാണ് ബെംഗളൂരുവും പഞ്ചാബും ഏറ്റുമുട്ടിയത്.ഇതില്‍ 14 മത്സരങ്ങളില്‍ ബെംഗളൂരു വിജയിച്ചപ്പോള്‍ പഞ്ചാബ് 17 തവണ വിജയംകണ്ടു.ബെംഗളൂരുവിനെതിരെ കഴിഞ്ഞ അഞ്ച് മത്സരങ്ങളില്‍ മൂന്നിലും പഞ്ചാബാണ് ജയിച്ചത്. ബാറ്റിങ് പറുദീസയായ ചിന്നസാമി സ്റ്റേഡിയത്തില്‍ ഇന്ന് റണ്‍മല പിറക്കുമെന്ന് ഉറപ്പാണ്. സ്റ്റേഡിയത്തിലെ ചെറിയ ബൗണ്ടറിയാണെന്നതും ബാറ്റ്‌സ്മാന്മാര്‍ക്ക് അനുകൂല ഘടകമാണ്.

ബാംഗ്ലൂര്‍ ടീം:
ഫാഫ് ഡു പ്ലെസിസ്(ക്യാപ്റ്റന്‍),ഗ്ലെന്‍ മാക്‌സ്വെല്‍,വിരാട് കോലി,രജത് പാട്ടിദാര്‍,അനൂജ് റാവത്ത്,ദിനേശ് കാര്‍ത്തിക്,സുയാഷ് പ്രഭുദേശായി,വില്‍ ജാക്‌സ്,മഹിപാല്‍ ലോംറോര്‍,കരണ്‍ ശര്‍മ്മ,മനോജ് ഭണ്ഡാഗെ,മായങ്ക് ദാഗര്‍,വൈശാഖ് വിജയകുമാര്‍,ആകാശ് ദീപ്,മുഹമ്മദ് സിറാജ്,റീസ് ടോപ്ലി,ഹിമാന്‍ഷു ശര്‍മ്മ,രാജന്‍ കുമാര്‍,കാമറൂണ്‍ ഗ്രീന്‍, അല്‍സാരി ജോസഫ്,യാഷ് ദയാല്‍, ടോം കുറാന്‍,ലോക്കി ഫെര്‍ഗൂസണ്‍,സ്വപ്നില്‍ സിംഗ്,സൗരവ് ചൗഹാന്‍

പഞ്ചാബ് ടീം:
ശിഖര്‍ ധവാന്‍(ക്യാപ്റ്റന്‍),മാത്യു ഷോര്‍ട്ട്,പ്രഭ്‌സിമ്രാന്‍ സിംഗ്,ജിതേഷ് ശര്‍മ്മ,സിക്കന്ദര്‍ റാസ,ഋഷി ധവാന്‍,ലിയാം ലിവിംഗ്സ്റ്റണ്‍,അഥര്‍വ തൈഡെ,അര്‍ഷ്ദീപ് സിംഗ്,നഥാന്‍ എല്ലിസ്,സാം കുറാന്‍,കാഗിസോ റബാഡ,ഹര്‍പ്രീത് ബ്രാര്‍,രാഹുല്‍ ചാഹര്‍,ഹര്‍പ്രീത് ഭാട്ടിയ,വിദ്വത് കവേരപ്പ, ശിവം സിംഗ്,ഹര്‍ഷല്‍ പട്ടേല്‍,ക്രിസ്വോക്‌സ്,അശുതോഷ് ശര്‍മ്മ,വിശ്വനാഥ് പ്രതാപ് സിംഗ്,ശശാങ്ക് സിംഗ്,തനയ് ത്യാഗരാജന്‍,പ്രിന്‍സ് ചൗധരി,റിലി റൂസ്സോ