രാമപുരം: രാമപുരം ടൗണില്‍ മോഷണം പെരുകുന്നു. കഴിഞ്ഞ ദിവസം രാത്രിയിലുണ്ടായ മോഷണ പരമ്പരയില്‍ സഹകരണ ബാങ്കിനു സമീപത്തുള്ള ആര്‍.പി.എം.കൂള്‍ബാര്‍, കെ.എം.വെജിറ്റബിള്‍സ്, കെ.എം.സ്റ്റുഡിയോ ഫോട്ടോസ് , തയ്യില്‍ സീസണ്‍ മാര്‍ക്കറ്റ് ചിക്കന്‍ സ്റ്റാള്‍ എന്നിവിടങ്ങളില്‍ നിന്നായി കാല്‍ ലക്ഷം രൂപ മോഷണം പോയി. കടയില്‍ സൂക്ഷിച്ച പണവും പെയിന്‍ ആന്റ് പാലിയേറ്റിവ് സംഭാവന പെട്ടികളും നഷ്ടപെട്ടു.
പരിസര പ്രദേശത്തെ സ്ഥാപനങ്ങളിലെ സി.സി.കാമറ ദൃശ്യം പൊലിസ് പരിശോധിക്കുന്നുണ്ട്. ഉടമകള്‍ പരാതി നല്‍കി. പൊലിസ് അന്വേഷണം ആരംഭിച്ചു.