ഫാസിസത്തെ ഫലപ്രദമായി പ്രതിരോധിക്കണം സയ്യിദ് ഹമീദലി ശിഹാബ് തങ്ങള്‍

മലപ്പുറം :ഫാസിസത്തെ ഫലപ്രദമായി പ്രതിരോധിക്കാനും ന്യുനപക്ഷാവകാശങ്ങള്‍ സംരക്ഷിക്കാനുള്ള പ്രതിജ്ഞ പുതുക്കാനുമാണ് ഡിസം. 6 നമ്മെ ഓര്‍മ്മപ്പെടുത്തുന്നതെന്ന് പാണക്കാട് സയ്യിദ് ഹമീദലി ശിഹാബ് തങ്ങള്‍ പ്രസ്താവിച്ചു. ബാബരി ദിനത്തോടനുബന്ധിച്ച് എസ് കെ എസ് എസ് എഫ് സംഘടിപ്പിച്ച ജാഗ്രതാ സദസ്സിന്റെ സംസ്ഥാന തല ഉദ്ഘാടനം കൊണ്ടോട്ടി കോടങ്ങാട് മഹല്ലില്‍ നിര്‍വ്വഹിച്ച് സംസാരിക്കുകയായിരുന്നു അദ്ധേഹം.

മഹല്ല് പ്രസിഡന്റ് എം.അബൂബക്കര്‍ ഹാജി അദ്ധ്യക്ഷത വഹിച്ചു. സമസ്ത ജില്ലാ മുശാവറ അംഗം അബ്ദുല്‍ ഗഫുര്‍ അന്‍വരി മുതൂര്‍ ജാഗ്രതാ സന്ദേശം നല്‍കി.ഉമറുല്‍ ഫാറൂഖ് കരിപ്പൂര്‍, ജിയാസ് ദാരിമി, ജാസില്‍ ഫൈസി സംബന്ധിച്ചു. ദിനാചരണത്തിന്റെ ഭാഗമായി ശാഖാതലങ്ങളില്‍ ഫാസിസ ത്തിനെതിരെ ജാഗ്രതാ സന്ദേശം പ്രാര്‍ത്ഥനാ സംഗമം തുടങ്ങിയ വിവിധ പരിപാടികളാണ് സംഘടിപ്പിച്ചത്.