അജ്‌മാൻ : എസ് കെ എസ് എസ് എഫ് അജ്‌മാൻ സംസ്ഥാന കമ്മിറ്റിയുടെ ആഭിമുഖ്യത്തിൽ നടത്തപ്പെടുന്ന സർഗലയം നാളെ അജ്‌മാൻ ജർഫിലെ ഹബീറ്ററ്റ് സ്കൂളിൽ വെച്ച് ഉച്ചക്ക് ഒരു മണി മുതൽ നടക്കും.

ജില്ലാ മത്സരങ്ങളിൽ പങ്കെടുത്തു ഒന്നാം സ്ഥാനം കരസ്ഥമാക്കിയ മത്സരാർഥികളാണ് പങ്കെടുക്കുന്നത്.55 ഇനങ്ങളിലായി 4 വേദികളിൽ 250 ൽ പരം പ്രതിഭകൾ മാറ്റുരക്കും.

ദഫ് മുട്ട്, ബുർദ്ദ, ദഫ് കളി മദ്ഹ് ഗാനങ്ങൾ തുടങ്ങി വിത്യസ്ത മത്സരങ്ങൾ നടക്കുമെന്നു സ്റ്റേറ്റ് പ്രസിഡന്റ്‌ ഹുസൈൻ പുറത്തൂർ, സെക്രട്ടറി റിയാസ് കാക്കയങ്ങാട്, സ്വാഗത സംഘം കൺവീനർ മുഹ്സിൻ വിളക്കോട്, സർഗലയം കൺവീനർ ഐ കെ അശ്‌റഫ് എന്നിവർ അറിയിച്ചു.