നീന്തല്‍ പരിശീലനത്തിനിടെ വിദ്യാര്‍ഥി സ്വിമ്മിങ് പൂളില്‍ മുങ്ങി മരിച്ചു

മലപ്പുറം: വണ്ടൂരില്‍ സ്വകാര്യ വ്യക്തിയുടെ സ്വിമ്മിംഗ് പൂളില്‍ വിദ്യാര്‍ഥി മുങ്ങി മരിച്ചു. വണ്ടൂര്‍ ബോയ്‌സ് സ്‌കൂളിലെ പ്ലസ് ടു വിദ്യാര്‍ഥി മുഹമ്മദ് കെന്‍സാണ് മരിച്ചത്. നീന്തല്‍ പരിശീലനത്തിനിടെയായിരുന്നു അപകടം.

സ്വിമ്മിങ് പൂളില്‍ നീന്തുന്നതിനിടെ മുങ്ങി താഴുകയായിരുന്നു. സമീപത്തുണ്ടായിരുന്നവര്‍ രക്ഷപ്പെടുത്തുമ്പോഴേക്കും ജീവന്‍ നഷ്ടമായി. മൃതദേഹം സ്വകാര്യ മെഡിക്കല്‍ കോളേജിലേക്ക് മാറ്റി.